Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.
600-ден астам адам жауапсыз жер пайдаланушылардың қара тізіміне енгізілді
31 декабря 2020
Ауыл шаруашылығы министрлігі жауапсыз жер пайдаланушылардың тізіміне 600-ден астам адамды енгізді. Аталған қара тізім сайттарда ашық түрде жарияланды. Бұл туралы ҚР Ауыл шаруашылығы министрлігінің баспасөз қызметі хабарлады.
«Өздеріңіз білетіндей, 2015 жылдан бастап ауыл шаруашылық жерлерін тиімді пайдаланылуын бақылау әкімдіктердің құзыретіне берілді. Сонымен бірге, жергілікті атқарушы органдардың пайдаланылмай жатқан жерлерді анықтау жұмыстары Ауыл шаруашылығы министрлігінің тұрақты бақылауында. Жергілікті атқарушы органдардың жұмысын талдап, соның негізінде Ауыл шаруашылығы министрлігі жерді дұрыс пайдалану немесе мемлекеттік меншікке қайтаруды күшейтуге бағытталған заңнамалық шараларды жетілдіріп жатыр. Жалпы, соңғы 2 жылда біз бүкіл ел бойынша ауыл шаруашылық жерлерін анықтау мен үкіметке кері қайтару шараларын жасаудамыз», - деді Жер ресурстарын басқару комитетінің төрағасы Гүлжахан Бимендина.
Тақырыпқа байланысты оқу: ҚР-да бір жыл ішінде ауыл шаруашылығы жерлері пайдаланылмаса үкіметке кері қайтарылады
Сонымен қатар, Ауыл шаруашылығы министрлігі сот шешімі бойынша жер учаскелері мәжбүрлі түрде алынған адамдардың тізілімін жасауды жалғастыруда. Бүгінде қара тізім деп аталатын бұл тізімге 600-ден астам адам кіреді. Тізілімде кадастрлық нөмірлер, учаскелері және учаскелердің нақты орналасқан жері көрсетілген. Аталған ақпарат qoldau.kz сайтында жарияланған, көпшілік ашып оқи алады.
Бұған дейін ElDala.kz порталы Қазақстандағы жауапсыз ТОП-35 жер пайдаланушы тізімін жариялаған болатын
