Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.
МДТШ базасында агробизнес үшін консалтинг құрылатын болады
06 января 2021
Шығыс Қазақстан облысындағы Майлы дақылдардың тәжірибелік шаруашылығы Республика бойынша- тұқым өндіруде және сүтпен қамтамасыз етуде алдыңғы қатарлы шаруашылық болып тұр. Шаруашылықтың жоспары бойынша, алдағы уақытта тағы бірнеше жоба іске қосылады.Аталған кәсіпорында Шығыс Қазақстан облысының әкімі Даниал Ахметов болғаннан кейін МДТШ өндірісінің болашағы туралы айтты.
Алдағы үш жылда МДТШ ет және сүт өндіруді едәуір арттыруды, сондай-ақ жаңа брендтер құруды жоспарлауда.
«Осыған байланысты, Ауыл шаруашылығы басқармасына кәсіпорын жұмыс істейтін украиндық компаниямен келіссөздер жүргізу тапсырылды. МДТШ ЖШС базасында ауыл шаруашылық тауар өндірушілеріне кеңес беретін база құру міндеттелді. Сонымен қатар, ауыл шаруашылық саласына мамандарды тарту мақсатында биыл Солнечное ауылында тұрғын үйлер салуды бастаймыз», - деп жазды Даниал Ахметов Instagram желісінде.
Сонымен қатар ол соңғы жылдары компанияның өнім өндіру мөлшері 2,5 есеге, тұқым шығару- 5 есеге, сүт - 3 есеге артқанын атап өтті. МДТШ ЖШС сүт фермасы - Шығыс Қазақстан облысындағы халықаралық стандарттарға сай толық жабдықталған жалғыз ферма болып саналады. Мұнда қалдықсыз өндіріс жұмыс істейді, сонымен қатар жем жаңа техникаларда дайындалады.
Тақырыпқа байланысты оқу: МДТШ-да бір жылда сүт өндіру 11 мың тоннаны құрады
Кәсіпорын сонымен бірге мал селекциясымен-асылдандыру жұмыстарымен айналысады. Бүгінгі күні ірі қара малдың жалпы саны 3 мың бастан асады, оның ішінде 1,3 мыңнан астамы сауылады, бір тәулікте 35 мың литр сүт сауылады.
«Қазір МДТШ қуаттылығы 20 000 тонна майлы дақылдарға арналған астық қоймасын салуда және қуаттылығы сағатына 6 тонна құрама жем шығаратын зауыт құрылысын жүргізуде. Аталған зауыт тек Шығыс Қазақстан облысының ғана емес, басқа да елді мекендердің де қажеттіліктерін қанағаттандырады, сонымен қатар құрама жемді Қазақстан Республикасынан тыс жерлерге шығаруға мүмкіндік береді. Мемлекет қажетті инженерлік-коммуникациялық инфрақұрылымды салуға қолдау көрсетеді», - деп қорытындылады Шығыс Қазақстан облысының әкімі.
