Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.
Қазақстанда 10 жыл ішінде 40-қа жуық су қоймасы салынады
02 февраля 2021
Қазақстан Республикасында дайындалып жатқан Су ресурстарын басқарудың мемлекеттік бағдарламасы ұлттық жобаға айналады.Аталған құжат жаңа су қоймаларын, суару жүйелерін салуды және суды үнемдейтін технологияларды енгізуді қарастырады. Бұл туралы бүгін үкімет отырысында Экология, геология және табиғи ресурстар министрі Мағзұм Мирзағалиев мәлімдеді.
Экология министрлігі басшысының айтуынша, бағдарлама жобасы негізгі 6 бағыттан тұрады. Атап айтқанда, суды үнемдейтін заманауи технологияларды қолданатын суармалы жердің аумағын 221 мың гектардан 420 мың гектарға дейін ұлғайтатын болады.
Тағы бір бағыт - суару жүйелері мен құрылыстарын қалпына келтіру, сондай-ақ жаңа су қоймаларын салу болып табылады.
«Нәтижесінде шамамен 2 000 км магистральдық су арналары қайта жаңартылады. Сонымен қатар, Жамбыл, Батыс Қазақстан, Түркістан, Алматы және Қызылорда облыстарында жалпы көлемі 885 млн текше метр болатын 8 жаңа су қоймасы салынады. 2025 жылдан 2030 жылға дейін 31 су қоймасы салынады» деп хабарлады министр.
Тақырыпқа байланысты оқу: Суару жүйесі агробизнес тиімділігін бес есеге арттырады
Бұл жобалар су ресурстарын цифрландыруды, есепке алуды және бақылауды қамтамасыз етеді. 119 арнаны цифрландыру және өзен ағынының ресурстарын анықтайтын ақпараттық жүйе құру жоспарлануда.
Сонымен қатар, мемлекетаралық қатынастар саласында су мәселесіне байланысты іс-шараларды нығайту, Су кодексінің жаңа редакциясын әзірлеу қарастырылған, сондай-ақ қазіргі заманғы жаңашыл және ғылыми білікті су шаруашылығы саласындағы мамандарды даярлау бойынша іс-шаралар жоспарланған.
Ұлттық жобаны әзірлеу және бекіту жұмыстары ағымдағы жылдың 1 шілдесіне дейін аяқталады.
