БАӘ Агрохолдингі Қазақстаннан астық пен ет импорттауды жоспарлауда

Қазақстанға Біріккен Араб Әмірліктерінің «Аль-Дахра» холдингі өкілдерінің делегациясы АӨК саласындағы инвестициялық мүмкіндіктерді зерттеу үшін келді. Аталған жұмыс сапары аясында инвесторлар «KAZAKH INVEST» Ұлттық компаниясының, қаржы ұйымдары мен агрохолдингтердің өкілдерімен кездесті. Бұл туралы KAZAKH INVEST баспасөз қызметі хабарлады.

Кездесу барысында екі тарап бірлескен жобаларды, соның ішінде жылыжай шаруашылығы саласындағы мүмкіндіктерді қарастырды, сондай-ақ бидай, зығыр, арпа, қой еті, құс еті сияқты өнімдердің экспортын талқылады. Бұдан басқа, инвесторлармен кездесулерде аграрлық қор құру мәселесі де талқыланды.

Тақырыпқа байланысты оқу: Қазақстан БАӘ-мен бірлесіп, АӨК саласын қаржыландыратын $100 млн қор құратын болады

«Ауыл шаруашылығы және тамақ өнеркәсібі-Қазақстан экономикасының стратегиялық секторларының бірі болып саналады, оны дамытуға мүмкіндіктер бар. Қазақстандағы ауыл шаруашылығы алқаптарының жалпы ауданы 200 млн гектардан асады, оның ішінде егістік жерлер-25 млн гектарға жуық, ал жайылымдық жер 180 млн гектардай.Сонымен қатар, жаңа жобалар үшін шикізат базасын құруға суармалы жерлерді енгізу үшін елдің әлеуеті жеткілікті», - деп атап өтті инвесторлармен кездесуде KAZAKH INVEST инвестиция тарту және маркетинг департаменті директорының орынбасары Сәкен Олжабаев.

Тақырыпқа байланысты оқуKazBeef  Дубайға сиыр етін экспорттай бастады

Сонымен қатар, 10-11 маусым аралығында БАӘ азық-түлік қауіпсіздігі министрі Мариям бин Мұхаммед әл-Мейри қазақстанға жұмыс сапарымен келеді, онда ауылшаруашылық кәсіпорындарының «БАӘ –нің азық-түлік қауіпсіздігі стратегиясы 2051» жобасына қатысу мүмкіндіктерін талқылау жоспарланған.

«Аль-Дахра» холдингі Біріккен Араб Әмірліктеріндегі агробизнес саласында көшбасшы болып табылады. Холдинг құрамына кіретін компаниялар жем-шөп және негізгі тамақ өнімдерін шығарумен айналысады, олар: күріш, ұн, жемістер мен көкөністерді өндіруге маманданған. Құрылғаннан бері холдинг сыртқы инвестициялар стратегиясын қолдана отырып, белсенді түрде дамуда және бүкіл әлемде өндірушілермен бірлескен кәсіпорындар құру арқылы кеңею үстінде.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.