АШМ: Қазақстанда азық-түлік қоры жеткілікті

ҚР Ауыл шаруашылығы министрлігі негізгі азық-түлік тауарларының 32 түрімен өңірлердің қамтамасыз етілуіне апта сайын мониторинг жүргізеді. Ведомствоның мәліметінше, қазіргі кезде жинақталған қорларды есепке ала отырып, елде азық-түлік тапшылығы болмайды деп болжануда.

«Аймақтардан жеткен жедел деректер бойынша қазіргі уақытта республикада 795 мың тонна көлемінде түрлі азық-түлік тауарларының қоры бар, оның ішінде түрлі өнім өндіруші кәсіпорындарда 298 мың тонна, қоймаларда – 93,2 мың тонна, сауда желілерінде – 353,2 мың тонна, тұрақтандыру қорларында – 19,8 мың тонна сақталуда. Сонымен қатар, 325 млн жұмыртқа мен 3,5 млн тонна азық - түлік бидайы бар»,-деп хабарлады Ауыл шаруашылығы министрлігінің баспасөз қызметі.

Аталған бөлім мәліметіне сәйкес тез бұзылатын өнімдердің қоры бір аптаға немесе одан да көп уақытқа жетеді, ал ұзақ мерзімге сақталатын өнімдердің қоры бірнеше айға жеткілікті екенін айтты.

Сонымен қатар, Азық-түлік өндірісі артып келеді және сақтау қорлары үнемі жаңартылып, толықтырылып отырады. Сондықтан өнім тапшылығы жоқ және болмайды, деп хабарлады Ауыл шаруашылығы министрлігі.

Тақырыпқа байланысты оқу: Жұмыртқа өндіруші компаниялар Қытай нарығына  экспортты ашуды сұрауда

Естеріңізге сала кетейік, Қазақстанда маусым айында инфляция 1,1% болды, бұл жыл басынан бергі ең үлкен көрсеткіш. Ал азық – түлік тауарларының бағасы бір айдың ішінде 1,7% артты, ал жыл басынан бері 6,6% - ға өсті. Маусым айында картоп пен сәбіз бағасы ең көп қымбаттады. Уәкілетті ведомстволардың ақпараты бойынша, өткен жылғы астық қорының таусылуына байланысты маусым кезіндегі қымбатшылық болды.

Маусымаралық кезеңде бағаның өсуін бәсеңдету үшін Қазақстан делегациясы Тәжікстан мен Өзбекстанға барып, ҚР-ға өндірушілерден тікелей өнім жеткізу туралы мәселені келісті.

Әзірше ҚР-ға қандай өнімдер әкелінетіні және қашан, қандай көлемде және бағасы қанша болатыны белгісіз. Сауда және интеграция министрі Бақыт Сұлтанов хабарлағандай, Өзбекстанда екі келісімшартқа қол қойылды Біреуі-Соғды облысының Гафуров ауданынан $500 мың жеміс-көкөніс өнімдерін алу туралы. Екінші келісім, $500 мыңға өзбек шиесі сатып алынады. Бірақ екінші келісімшарттың бір ерекшелігі бар: оны жасасқан қазақстандық компания сапалы өзбек және қазақстандық шиенің ірі партиясын жинап, Дубайдың сауда желілеріне жеткізуді жоспарлап отыр.

Тәжікстанда $1,5 млн тұратын үш форвардтық келісім жасалды, ол 2021 жылғы жүзім мен пиязды сынақ үшін алынатын болады. Өнімдер тікелей ірі сауда желілеріне жеткізіледі.