Қазақстан күнбағыс майын экспорттауды қайтадан жалғастыратын болады

Қазақстандағы күнбағыс майын экспортқа шығаруға салынған тыйым алып тасталуы мүмкін.ҚР Ауыл шаруашылық министрлігі бизнеспен айналысушылардың сөзіне құлақ асып, карантин кезінде 2 сәуірден бастап енгізілген шектеуді алып тастау мәселесін қарастыруда.

«Атамекен» 7 сәуірде «АӨК-те дағдарысқа қарсы жасалып жатқан іс-шаралар» тақырыбында онлайн-конференция өткізді. Қазіргі карантин кезіндегі шектеулерге байланысты мәселелерді талқылауға Ұлттық палатаның салық комитеті, салалық одақ басшылары, аграршылар, барлық өңірдегі шаруашылық жетекшілері мен трейдерлер қатысты.

Мемлекет тарапынан ҚР Ауыл шаруашылығының төрт вице-министрі, бес облыс әкімінің орынбасарлары, ауыл шаруашылығы басқармаларының басшылары қатысты. Сонымен қатар, «ҚазАгро» холдингі мен «Қазахстан Темір Жолы» компаниясының басшылықтары да қатысты.

Кездесу барысында талқыланған ең басты аса өткір мәселелер ауыл шаруашылығы өнімдерінің әртүрлі экспортына шектеудің қойылуы болды. Тазартылмаған күнбағыс майын өндіретін отандық зауыттар өте қиын жағдайда қалып отыр. Олардың өнімдеріне сәуір айының  басында шетелге жөнелтуге тыйым салынды. Қазіргі уақытта аталған өнім ішкі нарықта көп екендігі байқалады. Мөлшерден тыс көп шығарылғандықтан бұл өндіріс тоқтап, 1500 адам жұмыссыз қалу қаупі бар.

Осы айтылған дәлелдерді ескере отырып,  Ауыл шаруашылық министрлігі экспорттық көлемдерді квоталауға тыйым салуды ауыстыру қажет екендігімен келісті. Аталған мәселеге басты назар аударылатын болады.

Тақырыпты оқу: Қазақстандық еңбеккерлер егіс алқаптарын 30 % -ға дейін кеңейтуге дайын

Сонымен қатар, бизнес өкілдері квотамен шығарылатын өнімнен басқа да сыртқа 175 бидай вагонын экспортқа шығаруды талап етеді, олар шектеулер енгізілгенге дейін тиелген және келісім шартқа қол қойылған болатын. Қазір олар шетелге шығуға рұқсаттардың болмауына байланысты шекарада тұр.

Фермерлер карантиндік аймақтар бойынша жүру мүмкін болмай тұрғандығын айтты. Егін егу маусымында жүріп тұру қиындағанын, еліміздің бірнеше өңірінде егіс науқанына дайындалу үшін, өнімді өткізуде  кедергі келтіретін блок-посттар орнатылған. Мәселені шешу үшін әкімдіктерге арнайы қағаздар беру арқылы шешу керектігі туралы ұсыныстар айтылды.

Сондай-ақ, аграршылар ауыл шаруашылығын субсидиялаудың жаңа ережелерін мүмкіндігінше тезірек қабылдауды сұрады, соның ішінде тауық жұмыртқасын өндіруді субсидиялауды бір данаға 2 теңге деңгейін бөлуды сақтап қалуды өтінді. Сонымен қатар, жұмыртқа өндірушілер шығындарының күрт өсуін ескере отырып, саланың рентабельділігін қамтамасыз ету үшін жұмыртқаны сатудың шекті құнын арттыруды ұсынды.

 Барлық көтерілген мәселелер бойынша нақты шешімдер қабылдау үшін ауыл шаруашылығы министрі Сапархан Омаровтың қатысуымен қосымша селекторлық кеңес өткізілетін болады.