Тоқаев астықты шашпай-төкпей жинау үшін бар күшті салуға шақырды

ҚР Президенті Қасым-Жомарт Тоқаев Ақмола облысына жұмыс сапарымен барып, өңірдегі инвестициялық жобалардың іске асырылуы туралы есепті тыңдады. Мемлекет басшысы агроөнеркәсіп кешені мен ауыл шаруашылығы машиналарын жасауды дамыту басты мәселе екендігін ескертті және бүгінде астықты жинауға, сондай-ақ мал шаруашылығына жем-шөп дайындауға назар аудару қажеттігін де атап өтті.

«Облыстың алдында бірқатар міндеттер тұр. Атап айтқанда, бұл астық жинау науқаны. Әрине, біз бұл науқанның өнімділігі табиғи жағдайларға байланысты екенін түсінеміз, дегенмен, табиғи жағдайлардың жағымсыз салдарын барынша азайту үшін барлық күш-жігерді жұмсау керек. Бұл ең бастысы», - деді Мемлекет басшысы.

Сондай-ақ, ол осы жазда екі өңірде болған құрғақшылық салдарынан мал өлімі проблемасын қозғады.

«Мал шаруашылықтары мал сатып алғанды біледі, өздерін фермерлер деп атайды, бірақ жем-шөп базасын салып, пішен дайындау керектігін ұмытқан. Баяндамада осы тақырып қозғалды, бұл дұрыс. Қазір осы мәселені де шешу керек», - деп атап өтті Қасым-Жомарт Тоқаев.

Тақырыпқа байланысты оқу: Үкімет Маңғыстаулық  малшыларға тағы да көмек береді

Ауыл шаруашылығы машина жасауды дамыту туралы айта келе, президент Көкшетау осы саланың басты тірек пункттерінің бірі болып табылатынын атап өтті. Қасым-Жомарт Тоқаев өңірге сапары барысында Eurasia Group Kazakhstan атты жаңа сервистік орталықта болып, KazRost Engineering Ltd зауытына соғып, танысты.

«Бұл біздің экономикамыздың маңызды және перспективалы бағыты. Қазақстан ауыл шаруашылығы саласындағы державаға айналуы тиіс. Бұл – өршіл міндет, бірақ қол жеткізуге болатын мақсат. Бұл жерде облыстың рөлін асыра бағалау қиын. Менің ойымша, біз мемлекетіміздің ауыл шаруашылығы әлеуетін күшейтуге бағытталған Ақмола облысының барлық іс-әрекетін қолдаймыз «, - деп атап өтті Президент.