Азық-түлік бағасына бір орган жауапты болады

ҚР Президенті Қасым-Жомарт Тоқаев азық-түлік бағасын тұрақтандыру үшін тиімді шаралар қабылдамаған мемлекеттік органдардың қызметін сынға алды. Ол азық-түлік инфляциясына жауапты болатын бір органды анықтауды тапсырды.

 «Сонымен бірге, өнім өндірушіден тұтынушыға дейінгі аралықтағы бағаның бәріне бірыңғай бақылау жасау қажет. Қазір осы жұмысқа бірнеше мекеме жауапты. Әр жолы баға шарықтағанда олар байыппен сараптама жасап, тиімді шаралар қабылдаудың орнына бір-біріне сілтей бастайды.Бұл жұмысты ретке келтіретін кез келді. Жауапкершіліктің ара-жігін ажырату керек. Бір мекемені басты орган ретінде айқындап, өзгелерінің өзара іс-қимылын нақты белгілеу қажет» -деді мемлекет басшысы Қазақстан халқына айтқан бүгінгі жолдауында.

Тақырыпқа байланысты оқуАуыл шаруашылығы министрлігі мен Сауда министрлігі бағаның шарықтауына жауап беруде дауласуда

Ол үкіметке бұл мәселе бойынша бір ай мерзімде шешім қабылдауды тапсырды.

Президент атап өткендей, АӨК саласында көптеген проблемалар жинақталған, ең алдымен, азық-түлік тауарларының бағысының тиімсіз бөлінуі. Көтерме-тарату орталықтары желісін құру маңызды міндеттердің бірі болып қала беретіндігін ескертті.

 «Осы орталықтардың шағын ауыл шаруашылығы тауарын өндірушілерге, соның ішінде, жеке қосалқы шаруашылықтарға да қолжетімді болуын қамтамасыз ету маңызды. Бұл нарықтың монополиялануына жол беруге болмайды»-деді Қасым-Жомарт Тоқаев.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.