Жемқорлыққа қарсы агенттік басшысы Тоқаевқа Ауыл шаруашылығы министрлігіндегі тергеу туралы баяндады

Сыбайлас жемқорлыққа қарсы іс-қимыл агенттігінің төрағасы Марат Ахметжанов президент Қасым-Жомарт Тоқаевпен кездесу барысында Ауыл шаруашылығы министрлігінде ағымдағы жылдың маусым айында басталған субсидиялауды талдау барысы туралы баяндады. Бұл туралы Ақорданың баспасөз қызметінен хабарлады.

«Сыбайлас жемқорлыққа қарсы қызмет басшысы Президентке Мемлекет басшысының Жолдауының жүзеге асырылуы және оның тапсырмаларының орындалуы туралы баяндады. Марат Ахметжанов агроөнеркәсіптік сектордағы субсидиялау саласын кешенді талдаудың алдын ала жасалған қорытындылары жайлы және нақты қылмыстық істер бойынша сотқа дейінгі тергеу нәтижелері туралы хабарлады», - деп айтты баспасөз қызметі.

Тақырыпқа байланысты оқуСенатор АӨК-те субсидия бөлу кезіндегі сыбайлас жемқорлық туралы мәлімдеді

Кездесу қорытындысы бойынша президент Марат Ахметжановқа бірқатар нақты тапсырмалар берді.

Ағымдағы жылдың маусым айында Ауыл шаруашылығы министрлігінде Сыбайлас жемқорлыққа қарсы іс-қимыл агенттігімен бірлесіп АӨК-те субсидиялау тетігіне кешенді талдау жүргізу үшін ведомствоаралық комиссия құрылды. MВK жұмысының қорытындысы бойынша ауыл шаруашылығын субсидиялау ережелеріне өзгерістер енгізіледі.

Талдау жүргізу барысында Сыбайлас жемқорлыққа қарсы іс-қимыл агенттігі Ветеринариялық бақылау және қадағалау комитетінің лауазымды тұлғалары тобы ұйымдастырған тірі малды шетелге заңсыз әкету схемасын анықтады. Соның ішінде мемлекет субсидиялаған асыл тұқымды малды әкету, малдарды эпизоотиялық бақылау жүргізбей тасымалдау фактілері анықталды.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.