Қазақстан үш жылдан бері зығыр өндірісінде көш бастап келеді

Казахстан третий год лидирует в производстве льна

2020 жылдың қорытындысы бойынша Қазақстан зығыр өндірісінде әлемдік нарықта көшбасшы орынды сақтап қалды. Бұл туралы ElDala.kz порталына Қазақстан астық одағының сарапшысы -ресми өкілі Евгений Карабанов хабарлады.

Ұлттық статистика бюросы 2020 жылғы зығыр дақылы туралы мәліметтерді жариялады. Зығыр өнімі жиналған алқап көлемі  1 млн 342,5 мың га құрады, өнім - 0,79 т / га. болды. Жалпы, өндіріс мөлшерін статистика мамандары 1 миллион 58,4 мың тоннаға бағалап отыр.

Алайда, Қазақстанның астық одағы өз мәліметтерін дайындады. Мұндағы көрсеткіш ресми санмен салыстырғанда айтарлықтай өзгеше.

Атап айтқанда: жиналған алқап – 1 225 мың га, өнімділік - 0,72 т / га. Жалпы өндіріс - 883 мың тонна. Докедж - 100 мың тонна, шартты өндіріс - 733 мың тонна. 2020/2021 маусымының басындағы қалған қор 51,8 мың тоннаны құрайды. Жалпы жеткізілім - 790,2 мың тонна.

- Біздің жасаған есептеулеріміздің дұрыстығын 2021 жылдың 1 қаңтарындағы зығырдан қалған қор растайды, - деп атап өтті Евгений Карабанов. - Ұлттық статистика бюросының мәліметтері бойынша ол 582,8 мың тоннаны құрайды. Мәлімет бойынша, бұл 578,6 мың тонна болады, ал 2020 жылдың қыркүйек-желтоқсан айында экспортталғаннан соң - 193,8 мың тонна (Қазақстан Республикасы Қаржы министрлігі Кедендік бақылау департаментінің мәліметтері)  қалады және қайта өңдеу (қыркүйек-желтоқсан) - 17,8 мың. тонна болады. Барлығы, 790,2 - 193,8 - 17,8 = 578,6 мың тонна. қалады.

Тақырыпқа байланысты оқу: Күнбағыс майы одан әрі қымбаттайды

Қазақ зығырының негізгі сатып алушылары Бельгия - 205 мың тонна, Қытай - 150 мың тонна, Польша - 65 мың тонна болды. Сонымен қатар, елде 30 мың тонна зығыр майы өндіріліп, оның 26 ​​мың тоннасы экспортқа шығарылды.

Еске сала кетейік, 2018 жылы зығыр өндірісінде 719 мың тонна көлемімен (әлемдік өндірістің 26% -ы) әлемдегі көшбасшы Қазақстан болды.