АШМ күнбағыс тұқымы мен күнбағыс майын шығаруға квота береді

Қыркүйекте күнбағыс тұқымдарын әкетуге бөлінген квоталар көлемі (СЭҚ ТН коды 1206 00 100 0, 1206 00 990 0) 7,5 мың тонна шамасында белгіленді. Тазартылмаған (СЭҚ ТН коды 1512 11 910 1, 1512 11 910 9) және тазартылған (СЭҚ ТН коды 1512 19 900 2, 1512 19 900 9) күнбағыс майына берілетін квоталар көлемі 16 мың тоннаны құрады. Бұл туралы Ауыл шаруашылығы министрлігі хабарлады.

Аталған квотаны алуға өтінімдер 8 қыркүйек күні сағат 18.00-ге дейін PDF форматында уәкілетті органның кеңсесі арқылы Offise@minagri.gov.kz электрондық пошта мекенжайына қабылданады. Телефон: 8 (7172) 555-763.

Өтінімдерді қабылдауды жүзеге асыратын уәкілетті органның жауапты қызметкердің байланыс деректері, mukhametzhanova.m@minagri.gov.kz, тел.: 8 (7172) 555-886, сот+7 7078180182.

Ауыл шаруашылығы министрі м.а Ербол Қарашөкеевтің бұйрығы бойынша 2021 жылдың 6 тамызынан 2022 жылдың 1 ақпанына дейін ҚР-да күнбағыс тұқымы мен күнбағыс майын экспорттауға квота беріледі.

Шектеулерді белгілеу қағидаларына сәйкес ай сайын, келесі есеп беретін ай басталғанға дейін 15 жұмыс күнінен кешіктірмей жергілікті атқарушы органдар, «Атамекен» Ұлттық кәсіпкерлер палатасы уәкілетті органға тауардың әрбір түрі бойынша өндірістің, тұтынудың, қорлардың және экспорттың жоспарланған көлемі туралы жинақталған ақпаратты ұсынады.

Уәкілетті орган ай сайын есепті ай басталғанға дейін 12 жұмыс күнінен кешіктірмей тауарлардың әрбір түрі бойынша ақпаратты есептейді және ресми интернет-ресурста жариялайды.

Квотаны бөлуге сыртқы сауда қызметіне қатысушылар тіркелген бағалар бойынша тауарлардың белгілі бір санының ішкі нарыққа кепілдік берілген жеткізілімдері туралы міндеттемелер болған жағдайда жіберіледі.

Қабылданған міндеттемелерді орындамаған жағдайда аталған нарықтағы сауда жасаушылар бұдан кейін квоталарды ала алмайды.