Жауын-шашын астық жинау науқанын тежейді

Тамыз айының үшінші онкүндігінде Қазақстанның барлық аумағында ауа райы жауын-шашынды болды. Сонымен қатар, онкүндіктің соңғы күндерінде жауған жаңбыр астық өсіру алқаптарындағы егін жинау жұмыстарын біршама тежеді. Бұл туралы Қазгидрометтің агрометеорологиялық шолуы хабарлады.

Синоптиктердің мәліметінше, Батыс Қазақстан облысында жаздық дәнді дақылдарды жинауды аяқтау үшін ауа-райы қолайлы болуда. ҚР-дың оңтүстік облыстарында метеорологиялық жағдайлар жайлы айтар болсақ, Алматы облысының таулы және тау бөктеріндегі егін жинау жұмыстарын аяқтау үшін де қолайлы болды.

Жаздық дәнді дақылдар егістігінде тамыз айының соңында негізінен «толық пісу» кезеңінде, кей жерлерде «балауыз пісу» фазасында. Өсімдіктердің өсуі - жай-күйі негізінен жақсы және қанағаттанарлық, жекелеген учаскелерде нашар өсуде.

Жылу сүйгіш дақылдардың (жүгері, күріш, соя, қант қызылшасы, мақта) жай-күйі жақсы, суару жұмыстары жүргізілуде және күріш таптарынан суды тоқтату жалғасуда.

Батыс Қазақстан облысында сафлордың өсуі жақсы және қанағаттанарлық. Егіннің «пісуі» кезеңі және егін жинау жұмыстары жалғасуда.

Шығыс Қазақстан және Павлодар облыстарында күнбағыстың «пісу» және «жинау» кезеңінде, жекелеген учаскелерде себу мерзіміне байланысты гүлдену фазасында. Өсімдіктердің пісіп жетілуі барлық жерде жақсы.

Солтүстік Қазақстан және Қостанай облыстарында да майлы зығырдың жай-күйі жақсы екендігі байқалады. Қарабалық және Михайловка станцияларының айналасындағы учаскелерде зығыр жинауға кірісті.

Тақырыпқа байланысты оқу: ҚР-да астық бағасы 24%-ға қымбаттады

Алматы, Қарағанды, Солтүстік Қазақстан және Қостанай облыстарында картоп өсірілетін алқаптарда көкөністердің «гүлденуінің аяқталуы» байқалады және «ботва пісіп жетілу» фазасында, өсімдіктердің жай-күйі өте жақсы және жақсы. Қарағанды облысында картоп отырғызу үшін вегетациялық суару жұмыстары жалғасуда.

Жеміс-жидек дақылдары бар бақтарда малина, алмұрт және алма өнімін жинау шаралары жалғасуда, дақылдардың жағдайы барлық жерде жақсы. Есік станциясының маңындағы алма бақтарында ылғал беріп, суаруға кірісті.

Республиканың оңтүстік өңірлеріндегі барлық жерде көп жылдық шөптер (жоңышқа, клевер) екінші және үшінші шабындықтан кейінгі гүлдеу кезеңінде, жекелеген учаскелерде екінші және үшінші шабындықтан кейінгі өсу кезеңінде. Шөптердің өсу жағдайы барлық жерде жақсы, алқаптар суарылып, шөптерді үшінші рет шабу жұмыстары жалғасуда.

Қазгидрометтің 7-9 қыркүйектегі болжамы бойынша Қазақстанның басым бөлігінде фронталдық бөлімнің әсерінен жаңбыр жауады, солтүстікте қатты жаңбыр жауады деп күтілуде. Тек оңтүстік өңірлерде ғана ауа-райы жауын-шашынсыз болады деп күтілуде.

Бұдан басқа, 8-9 қыркүйекте түнде Қостанайда, 9 қыркүйекте Ақмола және Солтүстік Қазақстан облыстарында 2 градусқа дейін суық болады деп күтілуде. Республиканың батысында, солтүстік-батысында ауа температурасы түнде 5-10 градус, күндіз 14-22 градус жылы болады. Солтүстікте және орталықта ауа температурасы түнде 2-7 жылы, күндіз 13-23 жылы болады. Шығыста түнде 7-12, күндіз 20-25 градус, республиканың оңтүстік және оңтүстік-шығысында ауа температурасы түнде 10-15, күндіз 22-27 градус болады.