Мәжіліс депутаты жылыжайларға мемлекеттік қолдауды арттыруды ұсынды

Мәжіліс депутаты Сәкен Қаныбеков премьер-министр Асқар Маминнің атына сауал жолдады, онда ол дағдарыс кезінде жылыжайларды қолдауды сұрады.

Ауыл шаруашылығы министрлігінің мәліметтері бойынша, Қазақстанда шамамен 1272,9 га жылыжай жұмыс істейді, оның 212,3 га - ірі өнеркәсіптік шаруашылықтар, оларда 5 мыңнан астам адам жұмыс істеуде. Сәкен Қаныбековтың айтуынша, карантин кезеңінде оларда жұмысшылардың келіп-кетуі қиын болған, сонымен қатар базарлардың, қоғамдық тамақтандыру орындарының және басқа да мекемелердің жұмысының тоқтап қалғандығынан өнімдерге сұраныстың болмауынан мәселелер туындаған.

Қаныбековтың айтуынша, мұндай қиын жағдайда жылыжай шаруашылықтарын қолдау қажет. 2018 жылдан бастап жылыжайларда көкөніс өсіру шығындарын өтеу тоқтатылған болатын.

«Өнеркәсіптік жылыжайларға техникалық қызмет көрсету кәдімгі пленкалық жылыжайларға қарағанда әлдеқайда қымбат, өйткені үнемі температураны 24 градусқа дейін сақтап тұру  керек, сонымен қатар фотосинтезге қосымша жарық түседі. Жалпы, жылыжайдың бір гектарына бүкіл жылыжай кешенін жылытуды есептемегенде, сағатына 700-ден 1800 кВт электр қуаты қажет», - деді депутат.

Аталған салаға мемлекеттік қолдау болмаса, өнімдер экспортта ғана емес, импортты алмастыра алмайды деді, ол.

Осыған байланысты Сәкен Қаныбеков Ауыл шаруашылығы министрлігіне несиелерді бір жылға кешіктіріп төлеуге рұқсат беру, өндірістік жылыжайлар үшін пайыздық мөлшерлемелерді қайта қарау қажет, сондай-ақ топырақтың барлық түрлеріне (тұқымдар, тыңайтқыштар, химикаттар, көмір, гидропоника және т.б.) субсидия беру қажет деп ұсыныс айтты.

Сонымен бірге ол Энергетика министрлігіне жылыжайлар үшін электр энергиясына басқа  тарифпен төлеуге рұқсат берулерін  айтты.

«Бұл мәселелерді шешу өнеркәсіптік жылыжайлардың санын көбейтеді, бұл өз кезегінде көкөніс бағасын төмендетуге көмектеседі, сонымен қатар жұмыс орындарын сақтап қалуға  мүмкіндік береді», - делінген депутаттың сұрауында.