Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.
2020 жылдың қаңтарында ҚР-да ауыл шаруашылық техникаларын өндіру артты — сарапшылар
19 марта 2020
2020 жылдың алғашқы айында Ауыл шаруашылығы техникасы саласында еліміздің зауыттары 74 трактор, былтырғы жылы 67 болған және топырақ дайындау және қопсытуға арналған 50 машина, былтыр 43 шығарылған. Бұл туралы EnergoProm хабарлады.
2019 жылдың қорытындысы бойынша барлық секторлар бойынша өзгерістер байқалды. Аталған жылы шығарылған 897 трактор -алдыңғы екі жылды қосқаннан да артық болып саналады. Сарапшылардың қорытындысы бойынша, екі жылдық стагнациядан кейін сектордағы техника шығару жұмыстары дағдарысқа дейінгі көрсеткішке жақындап жақсарып келеді. Топырақты дайындау және топырақты аударуға арналған техника өндірісі 14,6% — ға, 956 машинаға дейін өсті. Яғни 512 жатка және 381 комбайн жасалды.
Тракторлар өндірісі негізінен Шығыс Қазақстан және Қостанай облыстарында орналасқан. Мұнда «СемАз Семей автоқұрастыру зауыты» («Беларус» моделінің тракторлары және өзге де арнайы техника), Қостанайда «Агромашхолдинг" (lovol тракторлары,«Кировец» тракторлары, «Есіл» комбайндары және т. б.) сияқты ірі зауыттар жұмыс істейді.
Топырақты дайындау немесе қопсыту үшін пайдаланылатын АӨК машиналары негізінен Солтүстік Қазақстан, Қостанай және Ақмола облыстарында жиналады. Мұнда Көкшетау «Вектор» комбайн зауыты («Ростсельмаш» комбайндарын шығару), Петропавлдық «Агрореммаш», «Петропавл Трактор зауыты» және т.б. кәсіпорындар жұмыс істейді.
Қазақстан Республикасында машина жасау саласындағы өндіріс құны жалпы 92,98 млрд теңгеге жетті. Бұл көрсеткіш өткен жылғыдан 20% - ға артық болды. Ақшалай тұрғыдан есептегенде өндірістің барлық көлемінің 11,2% - ын және елдегі барлық өнеркәсіптік өндірістің 4% - ын құрайды.
Машина жасау саласында негізінен көлік құралдарына, АӨК және тау-кен өнеркәсібіне арналған машиналарды және басқа да осындай арнайы техниканы жасауға бағытталған.
Сарапшылардың пікірі бойынша Қазақстанда ауыл шаруашылығы техникасын өндіру саласын дамыту үшін әлі де көп күш салу керек. Ағымдағы жылы өсу мен жақсы істердің басталуына орай, 2019 жылдың қорытындысы бойынша қазақстандық компаниялар сұраныстың 12,8% - ын ғана жапты, яғни нарықтың 87% - дан астамы импорттаушылар қамтамасыз етіп отыр дегенді білдіреді.
Айта кетерлік жағдай , ҚР АШМ нарықтарды дамыту департаменті директорының орынбасары Шаймерден Ахметовтың мәліметі бойынша, республиканың АӨК-тегі машина-трактор паркін жаңарту деңгейін 6-8% - ға дейін арттыру қажеттілігі бар.
Сонымен қатар, бұл салада кейбір аграршылар техниканың қымбаттығына байланысты жаңа техника сатып алуға мүмкіншіліктері жоқ.
Естеріңізге сала кетейік, 2020 жылдың наурыз айының басында AgriTek/FarmTek Astana 2020 атты XV Халықаралық мамандандырылған ауыл шаруашылығы көрмесі өтті.Онда отандық және шетелдік ауыл шаруашылық техникалары қойылған еді.
