АШМ: Қазақстан аграршыларының тұқымдарды заңсыз сатып алуына Канада елі ешқандай қарсылық білдірмеді

Канадалық кәсіпорындар  қазақстандық компаниялардың тұқымдарды заңсыз сатып алу әрекетіне байланысты ешқандай талап қойған жоқ. Бұл туралы бүгін ОКҚ брифингінде ҚР Ауыл шаруашылығы министрлігі өсімдік шаруашылығы өнімдерін өндіру және қайта өңдеу департаментінің директоры Азат Сұлтанов мәлімдеді.

Бұған дейін канадалық бұқаралық ақпарат құралдары қазақстандық компаниялар Канадада өндірілген бидай, арпа, бұршақ дақылдары мен соя тұқымдарын заңсыз алмақ болған әрекеттері жайлы хабарлаған. Алайда олардың заңсыз экспорты канадалық фермерлердің бәсекеге қабілеттілігіне қауіп төндіретіндігі айтылған.

«Егер канадалық тарап белгілі бір зияткерлік құқықтар немесе басқа меншік құқықтары бұзылды деп санаса, онда, тиісінше, канадалық компаниялардың белгілі бір реакциясы болуы керек еді. Ондай әрекет болмады», - деді Сұлтанов.

Канадалық селекция Қазақстанда шынымен де үлкен сұранысқа ие, өйткені Канаданың табиғи-климаттық жағдайлары ұқсас, жоғары өнімді тұқым өндіретін жетекші елдердің бірі болып табылады.

«Біздің кәсіпкерлер бұл тұқымдарды сатып алып, оларды өз алқаптарында сынап көруге тырысуда. Бірақ сонымен бірге, мен Қазақстанға ешқандай зиян келмейтінін атап өткім келеді, өйткені заңнамаға сәйкес оларды тұқым деп атау үшін фитосанитарлық құжаттан басқа астыққа сапа сертификаты қоса берілуі керек», - деп анықтап айтты спикер.

Сонымен қатар, ол Қазақстан Республикасында тұқымдарды сату үшін оны растайтын құжаттармен бірге тиісті мәртебесі-анықтамасы болу керек екенін еске салды. Атап айтқанда, бұл тұқымдарға Қазақстан Республикасында тіркелген зертхана берген сапалы паспорт қажет.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.