Солтүстік Қазақстан облысында бидайдан биоэтанол өндіріле басталды

Bio Operations зауыты күрделі жөндеуден кейін биоэтанол өндірісінің желісін іске қосты. Мұнда бидайды өңдеуге арналған технологиялық желі жұмыс істейді. Бұл туралы Солтүстік Қазақстан облысы әкімінің баспасөз қызметінен хабарлады.

Зауыт Францияның заманауи қондырғыларымен жабдықталған. Өткен жылы осында экспортқа арналған крахмал мен глютен өндірісі желілері іске қосылды.

Кәсіпорынға жалпы сомасы 12 млрд. теңге инвестиция жсалынды. Бүгінгі күнге дейін компания 500 миллион теңгеден астам салық төлеген. 450 тұрақты жұмыс орны бар.

Биоэтанол - бензиннің октан санын жоғарылататын және ауаны ластамайтын экологиялық таза өнім.

«Биоэтанол - қоршаған ортаны сақтау үшін өте қажет. Биоэтанолды Павлодар мұнай өңдеу зауытына жеткізу туралы келісім жасалды. Бастапқы кезеңде 36 мың тоннаға дейін жеткізіп, жылына 20 мың тонна биоэтанол өндіру жоспарлануда. Осылайша, Солтүстік Қазақстан зауыты елдің осы өнімге деген қажеттілігін толығымен жабатын болады», - деді Солтүстік Қазақстан облысының әкімі Құмар Ақсақалов желі іске қосылған кезде.

Тақырыпқа байланысты оқу: Бидайдан жасалған Қазақстандық биоэтанол Павлодар зауытына жіберіледі

Био-зауыттың жылдық өнім шығару қуаты 300 мың тоннаны құрайды.

Баспасөз қызметі хабарлағандай, Солтүстік Қазақстан облысында бидайды қайта өңдейтін бірнеше кәсіпорын жұмыс істеп жатқанын атап өтті. Сондай-ақ қуаттылығы 360 мың тонна болатын «Казмил» жем зауыты бар. Сонымен қатар «Байрек» жем зауытында жаңарту жұмыстары жүргізілуде. Алдағы уақытта облыста бидайды қайта өңдеу үлесін 90% дейін арттыру жоспарда бар.

Еске салсақ, 2021 жылы  68,5 мың тонна бидайды биоэтанол өндірісі үшін өңдеуге жіберу жоспарланып отыр.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.