ҚР-да күріш және мақта алқаптарының көлемі 26 мың гектарға қысқарды

Қазақстанда 2021 жылғы егіс науқаны 3 маусымда аяқталды. Жаздық егіс алқабы 19 млн га болды, оның ішінде дәнді дақылдар-15,2 млн га жерге егілді деген жаңалықты ElDala.kz порталына Ауыл шаруашылығы министрлігінің баспасөз қызметі хабарлады.

«Әкімдіктердің жедел мәліметтері бойынша, ағымдағы жылы ауыл шаруашылығы дақылдары 22,7 млн га егістікке себілді, бұл 2020 жылғы деңгейден 78 мың га артық. Тиімділігі жоғары дақылдар егілді, сондай - ақ импортты алмастыру үшін дақылдар отырғызылып, егіс алқаптарына түрлі тұқымдар себіліп, әртараптандыру бойынша жұмыстар жүргізілді», - деп хабарлады ведомствода.

Майлы дақылдар алқабы 2,9 млн га болып, 2020 жылмен салыстырғанда 11,9 мың га – ға артты, көкөніс - бақша дақылдары – 275,2 мың га (10,6 мың га-ға артық), картоп-198 мың га (5,8 мың га-ға артық), жемшөп дақылдары-3,4 млн гектарға (104,2 мың га-ға артық) ұлғайды.

Өсімдік шаруашылығын әртараптандыру күріш пен мақта сияқты ылғалды көп қажет ететін дақылдардың алқаптарын біртіндеп азайту мақсатында да жүргізіледі. Биыл күріш алқабы 8,1 мың гектарға, мақта алқабы 18 мың гектарға қысқартылды.

Естеріңізге сала кетейік, Қазақстан су тапшы аймақта тұр. Вегетациялық маусымды сәтті өткізу үшін көрші елдерден қосымша су алу туралы келісімге қол жеткізілді.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.