Астық өсіретін өңірлерде ылғал жақсы болуда

Тамыздың бірінші онкүндігінде Қазақстанның барлық аумағында жауын-шашынмен бірге ауа райы да ыстық болды. Жауын-шашынның нормадан жоғары түсуіне байланысты ылғал Солтүстік Қазақстан, Павлодар, Ақмола және Шығыс Қазақстан облыстарында жақсы байқалды. Бұл туралы Қазгидрометтің агрометеорологиялық шолуында хабарланды.

Синоптиктердің мәліметінше, оңтүстік облыстарда метеорологиялық жағдайлар жалпы алғанда астықтың толық пісіп-жетілуі мен егін жинау жұмыстарын жүргізуде, сондай-ақ Алматы және Түркістан облыстарында күздік бидайды жинау аяқталуға таяп қалды.

Солтүстік облыстарда бақыланатын учаскелерде жаздық бидай егістігінде «дүмбіл болып пісу» және «балауыз пісу» фазалары байқалады, жекелеген учаскелерде «толық пісуі» бар. Өсімдіктердің өсіп жетілу жай-күйі негізінен жақсы және қанағаттанарлық, Денисов ауданының Аршалы станциясы маңындағы егістіктің шығымы нашар.

Өсімдіктердің биіктігі 42-88 см-ге жетеді, кейінгі егістіктерде 40 см-ге дейін өскен, бидайдың масағындағы дәндердің орташа саны 9-34 дана, оның ішінде пісуі 20% -ға дейін, жекелеген учаскелерде 40% -ға дейін жетеді.

Тақырыпқа байланысты оқу: «Өзбекстан үшін бидай бағасы $295 болады»

Жаздық арпаның жағдайы негізінен жақсы және қанағаттанарлық. Арпа масағындағы дәндердің орташа саны 9-21 дана, оның ішінде піскен дәндердің саны 30% дейін жетеді. Қостанай МС айналасындағы бақыланатын учаскелерде арпалар жиналуда және іріктелуде.

Еліміздің орталығы мен шығысында жаздық бидайдың жағдайы негізінен жақсы, Қарағанды облысының Көбетей станциясы мен Нұраталды және Қоскөл агропосттарының айналасындағы жекелеген учаскелерде қанағаттанарлық. «Дүмбіл болып пісдеі» - «толық пісу» кезеңі де байқалады.

Батыс Қазақстан облысында жаздық бидай мен арпаның өсуі жақсы және қанағаттанарлық. «Толық піскендіктен» еңбеккерлер егін жинау жұмыстарына кірісті.

Ақтөбе облысында жаздық бидай да жақсы жағдайда, кей жерлерде қанағаттанарлық. Барлық жерде арамшөптің пайда болуы байқалады. Жаздық арпаның жай-күйі негізінен қанағаттанарлық, Джурун, Новоалексеевка және Мартук станцияларының айналасындағы учаскелерде егістіктің шығымы жақсы, Петропавловка агропосты айналасындағы егістер нашар өсуде.

Жылу сүйгіш дақылдардың (жүгері, күріш, мақта, соя, қант қызылшасы) жай-күйі өте жақсы, егістіктегі суару және тыңайтқыш қосу жұмыстары жалғасуда.

Тақырыпқа байланысты оқу: АШМ 15,3 млн тонна астық жинауды жоспарлауда

Батыс Қазақстан облысында сафлордың өсу жағдайы жақсы және қанағаттанарлық. Арамшөптер жиі кездеседі. «Тұқымның пісуі» және даму кезең байқалады.

Шығыс Қазақстан және Павлодар облыстарында күнбағыстың бақыланатын учаскелерінде «гүлдеу» және «пісу» фазасы белгіленді, өсімдіктердің жай-күйі жақсы және қанағаттанарлық. Күнбағыс себетінің орташа диаметрі 7-ден 19 см-ге дейін жеткен.

Солтүстік Қазақстан және Қостанай облыстарында майлы зығырдың өсуі жақсы және қанағаттанарлық. «Көктей пісу» - «Ерте пісу» даму кезеңі жүруде. Чкалов станциясының маңында зығыр егісін улы химикаттармен өңдеу жұмыстары жүргізілуде.