Аграршылар 456 мың гектар алқапқа дәнді дақылдар екті

22.04.2020 ж. Алматы, Жамбыл, Түркістан, Қызылорда және Батыс Қазақстан мен Атырау  облыстарында 456,3  мың гектарға (48,5%) астық және бұршақ дақылдары себілді. Бұл ақпаратты Ауыл шаруашылығы министрлігі хабарлады.

Тақырыпты оқу: Қазақстандағы егін егу жұмыстарының хроникасы (жаңартылады)

Сонымен қатар, басқа да ауыл шаруашылық дақылдар себілуде. Атап айтсақ,

• Майлы дақылдар — 129,2 мың га (32,2%);
• Көкөністер, бақша дақылдары және картоп — 106,3 мың га (37,7%);
• Көпжылдық шөп — 103,3 мың га (34,7%);
• Қант қызылшасы — 5 мың га (24,2%).

Аталған өңірде 2020 жылы  2,06 млн га жерге ауыл шаруашылық дақылдар отырғызу жоспарланған, оның- 800,1 мың га немесе 38,8% -ы себілді.

Сонымен қатар, егістік алқапты дайындау жұмыстары жүргізілуде. 2,29 млн га (21,5%)  жерге суландыру жұмыстары жасалды, 1,2 млн га (78,6%) егін егу алдындағы өңдеу жұмыстары жүргізілуде.

Тақырыпты оқу: Нақты егіншілікпен айналысу  «қара дақ» ауруынан құтқарады

Естеріңізге сала кетейік, Қазақстан ауыл шаруашылығы министрлігі 2020 жылы ауыл шаруашылығы дақылдарының жалпы алқабын 22,5 млн гектарға дейін жеткізуді  жоспарлап отыр. Егіннің негізін дәстүрлі түрдегі дәнді және дәнді-бұршақты дақылдар құрайды, алайда олардың жалпы көлемі 15,375 млн гектардан 15,183 млн гектарға дейін қысқарады. Атап айтқанда, бидай 11,381 млн га (2019 жылы — 11,385 млн га), арпа — 2,81 (2,99) млн га, дәнді бұршақты дақылдар — 217,4 (218,5) мың га сұлы мен жүгерінің егіс алқабы тиісінше 252,9 мың га (247,3 мың га) және 157,8 мың га (156,9 мың га) өседі. Күріш алқаптары өткен жылғы деңгейде – 102 мың га көлемінде қалып отыр.