Жамбыл облысында малға арналған вакцина шығарылатын болады

Өткен аптада Жамбыл облысы Гвардейский кентінде Қазақстан Республикасы Білім және ғылым министрлігі Ғылым комитетінің Биологиялық қауіпсіздік мәселелері ғылыми-зерттеу институтында биофармацевтикалық вакциналар шығаратын зауыттың құрылысы басталды. Аталған рәсімге премьер-министр Асқар Мамин қатысты, деп хабарлады үкімет басшысының баспасөз қызметі.

Аталған кәсіпорында түйін дерматитіне, ұсақ мүйізді малдың обасына, қой мен ешкінің жұқпалы эктимасына, қойдың жұқпалы ауруына, құтыру және басқа да жұқпалы ауруларға қарсы вакциналар шығаратын болады.

Сонымен қатар, бұл мекемеде пандемияға қарсы тұмауға, туберкулезге, бруцеллезге қарсы вакциналар, сондай-ақ коронавирустық инфекцияға қарсы вакцина шығарылатын болады. Қазіргі уақытта Қазақстан ғылыми-зерттеу институтының COVID-19 қарсы жасалған  вакцинасы ДДСҰ тізіміне енгізілген және клиникалық сынақтардан өткізіліп жатыр.

Құрылыс жұмыстары ағымдағы жылдың желтоқсан айында аяқталып, жыл сайын 60 миллион доза биофармацевтика шығарылады деп жоспарлануда.

Қазақстан Республикасы Білім және ғылым министрлігі Ғылым комитетінің Биологиялық қауіпсіздік мәселелері институты 1958 жылы КСРО-ның 6 ірі вирусологиялық институттарының бірі ретінде құрылды. Штаттың құрамына 214 зерттеуші және жетекші вирусологтар жұмыс істейді (академиктер, докторлар мен ғылым кандидаттары, PhD), қауіпті инфекциялармен жұмыс істейтін 13 зертхана бар.

Ғылыми-зерттеу институты ауылшаруашылығы мен денсаулық сақтау жүйесіне арналған вакциналарды әзірлейді, иммунобиологиялық препараттарды шығарады, биологиялық қауіпсіздікке қатысты зерттеулер жүргізеді, қауіпті және аса қауіпті ауруларды диагностикалау үшін тест жүйелерін жасайды, вирустар мен микроорганизмдердің қауіпті және аса қауіпті штаммдарының депозитариі ретінде қызмет етеді.

Бүгінгі таңда 5 зертхананың негізінде ғылыми-зерттеу институттары 67 отандық вакцинаның түрлерін шығарды, соның ішінде құс тұмауының жоғары патогенді (әлемде 7) және жоғары патогенді шошқа тұмауына (әлемде 6), ауылшаруашылығына арналған құс тұмауына қарсы (әлемде алғашқылардың бірі) болып, бруцеллезге қарсы жаңа вакцина (әлемдік аналогтардан асып түседі) жасады. Биылғы жылы аусыл ауруына қарсы вакциналар және COVID-19-ге қарсы 4 вакцина жасалынуда.

ҒЗИ шетелдегі вакциналарды жеткізуші ретінде Кеден одағының тізіліміне енгізілген, Ислам ынтымақтастығы ұйымына мүше мемлекеттердің вакциналарды өндірушілер тобына кіреді.

Бұған дейін Ұлттық ғылыми-техникалық академиядағы Қазақ ғылыми-ветеринарлық ғылыми-зерттеу институтының (ҚазҒВҒЗИ) ғалымдары жануарлардың некробактериозына қарсы екі вакцина жасап,тәжірибеге енгізгені туралы хабарланған болатын.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.