KazBeef компаниясы Қытай нарығына шығуды жоспарлап отыр

Қазақстанның инспекторлары KazBeef ет комбинатының өнімдерін Қытай Халық Республикасы кеден басқармасының талаптарына сәйкестігіне тексеру жүргізуде. Covid-10 пандемиясынан туындаған карантиннің жалғасуына байланысты қытайлық әріптестер кәсіпорынды тексеруді қазақстандық мамандарға Қазақстанның Ауыл шаруашылығы мининистрлігінің кепілдігімен сеніп тапсырды.

KazBeef ет комбинаты стейктерді дайындау үшін қолданылатын сиыр етін шығарады. Кәсіпорын тек экологиялық таза, нәзіктік деп саналатын мәрмәр етін өндіруге мамандандырылған. KazBeef өнімінің сапасын қазақстандық және ресейлік тұтынушылар жоғары бағалады. KazBeef жылына 8 мың тоннаға дейін ет өндіреді және қуаттылығын 10 мың тоннаға дейін арттыруға дайын. Кәсіпорын еуропалық өндірушілердің жабдықтарымен жабдықталған.

2020 жылдың 24 қыркүйегінде Ауыл шаруашылығы министрлігінің инспекторлары тексеру барысында ет комбинатының әрбір цехын мұқият қарап, қытайлық әріптестеріне толық есеп береді. Сондай-ақ, кәсіпорынға Қытайдың 2 ірі телеарнасының түсірілім топтары - CGTN Қытай халықаралық жаңалықтар телеарнасы және «Синьхуа́» ақпараттық агенттігі келді, олар алдағы ынтымақтастық бойынша жаңалықтар сюжеттерін дайындайды.

Қазақстан Ауыл шаруашылығы министрлігінің ҚХР бойынша үйлестірушісі Данагүл Сатова: «Қытай талаптары халықаралық талаптарға өте ұқсас және олар айтарлықтай ауқымды. Мысалы, Қытай стандарттарына сәйкес сою және кесу цехтары бөлек орналасуы керек – бұл ластанудың алдын алуға көмектеседі».

KazBeef ет комбинатының директоры Азамат Орумбаев: «Біз Қытай нарығына өте мүдделіміз.

Компанияның тігінен интеграцияланған қызметінің арқасында біз азық-түлік қауіпсіздігінің барлық сертификаттары мен стандарттарына сәйкес келетін өте жоғары сапалы ет өндіреміз. Біздің өнім импорттаушы елдердің аумағында өз тұтынушысын табады деп үміттенеміз».

Қазақстанның Ауыл шаруашылығы вице-министрі Гульмира Исаева: «Біздің фермерлер Қытай нарығының ашылуын күтті. Өйткені, бізде зор әлеует бар – әлемнің бірде-бір елінде біз пайдалана алатын жайылымдардың саны жоқ деп ойлаймын. 222 млн. гектар ауыл шаруашылығы жерлері, оның 180 млн. гектары – жайылымдық жерлер. Оның 100 млн гектары бүгінде айналымға тартылмаған. Осындай нарықтың ашылуы бізге жақсы инфрақұрылым құруға және фермерлерді етті мал өсіруге қызықтыруға мүмкіндік береді».

ҚР Ауыл шаруашылығы министрлігінің деректері бойынша ҚХР-на ет жеткізетін қазақстандық кәсіпорындардың тізімі жақын арада кеңейеді. Әзірге экспорттаушылар тізіліміне 9 отандық компания енді. Кезекте тағы 35. Қазір олардың барлығы Қытай тарапының талаптарына сәйкестігіне тексеруден өтуде. Қазақстанның Ауыл шаруашылығы министрлігі 15 қазақстандық кәсіпорынды тексерді. Әрі қарай тағы 20 тексеру жоспарлануда. Барлық тексеру деректері, фотоесептер қытайлық әріптестерге жіберіледі, олар экспорттаушылар тізілімін жаңа компаниялармен толықтыру туралы шешім қабылдайды.

KazBeef Group – асыл тұқымды мал шаруашылығының әлемдік нарығында сенімді беделге ие өндірушілерден Қазақстанға алғаш рет АҚШ-тан «Ангус» және «Герефорд» етті асыл тұқымды малды әкелген кезде 2010 жылы құрылған. Әкелінген асыл тұқымды ІҚМ сертификатталған, «Ангус» және «Герефорд» тұқымдарының американдық қауымдастықтарының базасына енгізілген. 2012 жылы компания асыл тұқымды ірі қара малдың бірінші жыл сайынғы аукционын ұйымдастырды. KazBeef Group-тың маңызды жетістіктерінің бірі American Embryo Transfer Association (AETA) - мен бірлесіп, 153 жоғары өнімді эмбриондарды алмастырып салу бойынша табысты орындалған жұмыс, бұл жануарлардың үздік генетикалық қорын қамтамасыз етеді. Жыл сайын компания Қазақстан Республикасының аумағында қолдан ұрықтандырудан алынған асыл тұқымды бұқалар мен қашарларды өткізеді.

2016 жылы өнімнің бас дистрибьюторы ретінде METRO Cash&Carry сауда желісі таңдалды. 2018 жылы «KazBeef Group» ЖШС-нің басты акционері Kusto Group болды. Қазір тігінен интеграцияланған компанияның қызметіне мал бордақылау, репродуктор, жемшөп өндіру және ет өңдеу кешені кіреді.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.