Қазақстан Өзбекстанмен тауар тарату желісінде бірге жұмыс істеу туралы келіссөздер жүргізіп жатыр

Орталық директорының орынбасары Гүлмира Ахметтаева бастаған QazTrade сауда саясатын дамыту делегациясы Өзбекстанның тауар тарату жүйесінің жұмысымен және осы елдің экспортты қолдау тәсілдерімен танысты. Сапар барысында Қазақстанда құрылатын тауарларды тарату жүйесімен Өзбекстанныі қосылу мүмкіндігі талқыланды. Бұл туралы QazTrad баспасөз қызметі хабарлады.

Сауда саясаты орталығының мәліметінше, Өзбекстан тарапы Қазақстандағы  тауарларды тарату жүйелеріне қосылуға ниет білдірді. QazTrade орталығы мен Өзбекстан Республикасының Экспортты ілгерілету агенттігі ынтымақтастық туралы Меморандум жасау мәселесін талқылауға келісті.

Тақырыпқа байланысты оқу: Қазақстан ТМД елдеріндегі серіктестеріне тауар тарату жүйесін біріктіруді ұсынады

Қазіргі кезде Өзбекстанда өнімдерді сатар алдында дайындайтын, өңдейтін және бақшалардан, егістіктерден және жылыжайлардан өнімдерді сақтайтын жеке агрологистикалық орталықтар (АЛО) жұмыс істеуде. Олардың барлығын ірі ауыл шаруашылық кәсіпорындары ашқан және олар тек өз өнімдерін сақтауға арналған.

«AЛО-да өнімді экспортқа шығаруға дайындайды. Бұл тәжірибе бізді де қызықтырады. AЛО өнімдерді сақтау үшін қабылдайды және шағын фермерлерге сату үшін қызметтерді ұсына алады, бірақ AЛО тек өз өнімдерін жинайды», - деді Г.Ахметтаева.

Тақырыпқа байланысты оқу: Қазақстанда жыл соңына дейін 7 көтерме-тарату орталығы ашылады

QazTrade компаниясының хабарлауынша, Ташкент қаласында шағын өндірушілерге қызмет көрсету үшін 8 ірі агрологистикалық орталық салу жоспарлаған. Аталған жобалар АДБ мен Дүниежүзілік банктің несиелері арқылы жүзеге асырылады. Сондай-ақ, жеке қаражат есебінен заманауи 37 агрологистикалық орталыққа инвестици салынатын болады.

«Бұл орталықта шағын фермерлерге өнімдерін егістіктен арзанға емес, жақсы бағамен сатуға мүмкіндік беретін сақтау қызметін ұсынады. Сондай-ақ АЛО-да ішкі нарық пен экспортқа жіберілетін өнімдерді жинау маңызды деп санаймыз», - деді Өзбекстан Ауыл шаруашылығы министрлігі.

Аталған сапар аясында қазақстандық делегация Өзбекстан Республикасының Экспортты ілгерілету агенттігінде де болды. Республикада экспорттаушылардың көлік шығындарының өтемақысы тек осы жылдың мамыр айынан бастап енгізілді. Сонымен бірге, көлік шығындарын өтеуге арналған тарифтеу жеткізу аймағына және өнімнің түріне байланысты болады.