Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.
Бүгін Шанхайда CIIE-2020 көрмесінде қазақстандық павильон ашылады
06 ноября 2020
Бүгін Шанхайда өткізілетін импорттық тауарлардың халықаралық көрмесінде (CIIE-2020) қазақстандық павильонның салтанатты ашылуы өтеді. Онда республиканың атынан тамақ өнеркәсібі секторының 35 компаниясы қатысады. Бұл туралы Сауда және интеграция министрлігі биыл іске қосылған экспорттық акселерация бағдарламасына қатысушыларға қолдау көрсететін PwC компаниясы хабарлады.
PwC мәлімдегендей, Шанхай халықаралық импорттық тауарлар көрмесі қазақстандық азық-түлік өнімдерінің Қытай нарығына тікелей шығуы үшін маңызды серпін беретін трамплинге айналуы мүмкін.
«Шанхай CIIE – 2020 көрмесі бүгінде В2В форматындағы сұранысқа ие сауда алаңдарының бірі болып табылады. Бұл әсіресе пандемияға байланысты жаһандық шектеулер кезінде тамаша мүмкіндік. Аталған көрмеде Қазақстандық компаниялар Қытайда бизнес-серіктестер табуға мүмкіндік алды. Биылғы көрме қазақстандық тауарларды сатып алуға қызығушылық танытқан көптеген қонақтарды шақырады деп үміттенеміз», - деп түсіндірді ҚР Сауда және интеграция министрі Бақыт Сұлтанов.
Бұл CIIE – 2020 көрмесінде Қазақстанның өнімдерін экспорттық акселерация бағдарламасының қатысушылары ретінде - тамақ секторының 35 компаниясы ұсынады. Аталған отандық өндірушілер Шанхайға ұн үлгілерін, крахмалдар мен крахмал өнімдерін, тұз, сусындар, балық, ет және консервілер, сүт өнімдері, кондитерлік өнімдер мен бал, өсімдік майлары, сондай-ақ тұздықтар апарды. Пандемияға байланысты биыл өнімнің дәмін татып көру мүмкін емес және жоспарланған іскерлік кездесулер онлайн форматта өтеді.
Бүгін павильонның ресми ашылу салтанатына Қазақстанның Қытайдағы Төтенше және өкілетті елшісі Ғабит Қойшыбаев, сыртқы сауда ұйымдарының өкілдері мен PwC серіктестері қатысады. Іс-шараға 30-дан астам ресми шетелдік делегациялар келеді деп күтілуде.
CIIE 2020 көрмесі Қытайда 5-10 қараша аралығында ұйымдастырылуда.
Тақырыпқа байланысты оқу: QazTrade қазақстандық кәсіпорындарды Қытай нарығына шығуға дайындауда
PwC компаниясы хабарлағандай, биылғы жылы Азық-түлік өнеркәсібі экспорттық акселерацияның бірінші бағдарламасының басты бағыты ретінде таңдалды, бұл азық-түліктің маңыздылығына қарай жасалып отыр. Сондай ақ қытайлық әріптестердің Қазақстанның тамақ өндіру саласына деген қызығушылықтары жоғары.
Соңғы 4 жылда Қазақстаннан Қытайға тамақ өнімдерін шығарудың орташа жылдық өсу қарқыны 47% - ды құрап, 2015 жылғы $31 млн-нан 2019 жылы $146 млн-ға дейін ұлғайды. Мақсатты нарық ретінде Қытайды таңдау оның алып екендігімен байланысты болды. 2019 жылғы жағдай бойынша тамақ өнімдері импортының көлемі $54 млрд құрады (соңғы 4 жыл ішінде орташа жылдық өсу қарқыны 11% болды).
Қытайдағы халықаралық көрмеге қатысу-бұл экспортты жеделдетуге пайдасын тигізеді, соның нәтижесінде біздің компаниялар экспорттық келісімшарттарға қол жеткізуі тиіс.
Жалпы экспорттық акселерация бағдарламасы 2020 - 2025 жылдарға есептелген. Осы уақыт ішінде 1 мыңнан астам қазақстандық өндірушілерді қатыстыру көзделіп отыр. Шамамен 300 қазақстандық компания алғаш рет халықаралық нарықтарға шығу тәжірибесіне ие болады және алғашқы экспорттық келісімшарттар жасайтын болады.
