ҚР-да алқаптардағы қар қалыңдығы метрге жетті

Баймырза ауылындағы шағын ауыл шаруашылық холдингі (Қарағанды ​​облысы Бұқар жырау ауданы) көктемгі егіске дайындалып жатыр. Оның құрамына үш шаруа қожалығы кіреді - «Нұр ШҚ», «Агро Думан», «Баймырза Агро». Әр шаруашылықтың өзіндік айналысатын саласы бар. Олар егістікте, мал шаруашылығында да табысты жұмыс істеуде, сондай-ақ француздық Шароле тұқымды сиыр етін өсірумен де айналысуда.

Ауыл шаруашылық ұйымының жетекшілерінің бірі Анатолий Перегуд өткен қыс мезгіліндегі ауа- райына риза болуда. Көктемнің басталуы да қолайлы болды. Ең бастысы, қыстың басында жеткілікті мөлшерде қар жауды. Соңында ақпан-наурыз айларында жауын-шашын жақсы болды.

Тақырыпқа байланысты оқуҚазақстанда жаз құрғақ болады деп болжануда

- Әрине, қар деңгейі барлық алқапта біркелкі емес болды, - деді Анатолий Перегуд. - Рельефке байланысты кейбір жерлерде қар қалыңдығы тіпті метрге дейін жетті, кейбір алқаптарда бар жоғы- 40 см-ге жуық болды, әр жерде әртүрлі жауды.

Күзде фермерлер суық мезгілге жақсы дайындалды: олар үлкен аумақта күзгі өңдеу жұмыстарын жүргізді, ал қыста 5 мың гектар жерде қар қалың болды. Сонымен қатар, олар Ленинградтық жүйені қолданды - егістіктерді зигзаг түрінде жыртты. Бұл қазір қардың қарқынды еріген кезінде маңызды рөл атқарады: олар бөгет ретінде болып, топырақтан судың ағып кетуіне жол бермейді.

Тақырыпқа байланысты оқуФермерлер маусым орташа болады деп күтуде

 - Менің ойымша, біз көшеттерге жеткілікті ылғал жинай аламыз, - деді Анатолий Перегуд. - Дегенмен, көп нәрсе көктемнің қалай болатындығына байланысты. Әзірше бәрі жақсы өсуде, ешқандай сумен шайылу байқалмайды.

Диқандар қыстан жақсы шықты. Өткен маусымды, карантиндік шектеулерге байланысты өнімдерді жеткізуде қиындықтар туындаған еді. Биыл тұқымдар алдын-ала дайындалды, жанармай әкелінді. Қосалқы бөлшектерге қараша айында тапсырыс берілді, кейбіреулері келді, ал кейбіреулерін жақында аламыз.

Тақырыпқа байланысты оқуҚостанай фермерлері алқаптардағы қар деңгейіне риза болуда

- Біз қолда бар техникаларды жөндеп жатырмыз, адам саны жеткілікті, сондықтан бәрі жақсы болады деп ойлаймын, - деп түйіндеді  ойын Анатолий Перегуд. «Біз «Агро Думан» және «Нұр ШҚ» барлығы 11,5 мың гектарға егін егеміз. Оның 940 гектары қатты бидай, 1 000 га зығыр, 250 га жасымық, 500 га арпа. Қалғаны жұмсақ бидай. 100 гектарға тәтті беде, 340 гектарға бидай шөбін себеміз - бұл біздің мал шаруашылығымызға арналған жем болады.

Үшінші шаруа қожалығы - «Баймырза Агро» биыл 210 гектар суармалы жерге  картоп отырғызады. Бұл егістіктерге органикалық тыңайтқыштар - тауық көңін енгізу жоспарлануда. Айтқандай, суармалы дақылдар үшін ылғалды жақсы қалпына келтіру де үлкен іс болып табылады, өйткені бұл жақсы өнім алуға және суды үнемдеуге мүмкіндік береді.

Баймырза шаруашылығында егін егу әдетте 12-15 мамырда басталады, яғни ғалымдар кеңес берген уақытта.

Тақырыпқа байланысты оқуҚазгидромет  жаңа агромаусымдағы ауа –райы болжамы туралы айтты

- Бірақ мұнда алдын-ала ештеңе жоспарламаймыз, ауа-райына қараймыз, - деп ойын жалғастырды Анатолий Перегуд. - Жер дайын бола салысымен, температура көтерілгенде, біз жұмыс істей бастаймыз. Ақыр соңында, ылғалды жоғалтпау үшін оңтайлы уақытта арамшөптен тазартуға уақыт бөлу керек.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.