Egistic компаниясы Jana Dala/ Green Day іс шарасында космомониторинг технологияларын ұсынады

14-16 шілде аралығында Ақмола облысының Ақкөл ауданындағы «Еңбек» ЖШС демонстрациялық алаңдарында Jana Dala/Green Day – 2021 атты егістік күні өтеді. Аталған іс-шара аясында ұйымдастыру комитеті қазақстандық EGISTIC IT компаниясымен бірлесіп тәжірибе жасауды жоспарлап отыр, атап айтқанда, компания 15 маусым мен 14 шілде аралығында көрме аумағындағы демонстрациялық егістерді бақылап, ғарыштан түсіретін болады. Содан кейін, жиналған ақпарат жарияланады. Бұл туралы EGISTIC компаниясы хабарлады.

Тақырыпқа байланысты оқу: EXPO TIME шілде айында Ақмола облысында Егістік күнін өткізеді

«Мамыр айында бұл көрме аумағында түрлі дақылдардың 50-ден астам сұрыптары отырғызылды. 14-16 шілде күндері өткізілетін демонстрация кезінде бұл дақылдар вегетация кезеңінде  болады. Жасалатын тәжірибе қазақстандық фермерлер үшін заманауи технологиялардың тиімділігін анықтау мақсатында жүргізілуде», - деп хабарлады компания.

Жерге ғарыштан мониторинг жүргізу тәсілі ауыл шаруашылығы үшін цифрландыру құралдарының тамаша бір әдісіне айналды. Сондықтан бұл бақылауды жасау үшін спутниктік суреттер пайдаланылатын болады. Алқаптардың суретін қазақстандық EGISTIC компаниясы түсіретін болды.

Сараптамалық суреттерді EGISTIC мекемесі американдық Planet компаниясымен серіктестікте түсіріп, күнсайын хабарлайтын болады. Бұл шетелдік компанияның құрылтайшылары NASA-ның бұрынғы қызметкерлері, сондай-ақ олар 3-4 метр биіктіктен жақсы сапада жоғары дәлдікте суретке түсіретіндігі белгілі.

Сараптамалық есептер egistic.kz сайтындағы «Жаңалықтар» бөлімінде 16 маусымнан бастап күнде жарияланады.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.