Фермерлер ҚР-да блок-бекеттерден мобильді қосымшаны пайдаланып өте алады

Ақмола облысы полиция департаментінің бастығы Арманбек Баймурзин фермерлермен төтенше жағдай кезінде егіс науқанын өткізу барысында жол жүруде туындаған мәселелерді жеке талқылау үшін аймақты аралай бастады.

Өткен аптада кездесу Бұланды ауданында өтті. Қазір мұнда 100-ден астам ауыл шаруашылығы кәсіпорындары мен шаруа қожалықтары егіске дайындалуда. Аймақтағы полиция  басшысының айтуы бойынша, жергілікті әкімдіктер мен полицияның көмегімен аграршылар карантин жағдайына  қарамастан, жұмысты мерзімінде аяқтайды деп хабарлады.

Атап айтсақ, ЖП баспасөз қызметінен хабарлағандай, өткен аптада «Қорған» ақпараттық базасы жасалды, ол бүгін, 27 сәуірден бастап істейтін болады.

Аталған сервис  бойынша жедел түрде  рұқсат алуға болады, ал құжатты рәсімдеуге бірнеше минут қана кетеді. «Қорған» базасына ауыл шаруашылығы тауар өндірушілері өз өтінімдерін енгізеді, кәсіпорынның ЖСН немесе БСН көрсетеді,- деп түсіндірді полиция департаменті

Аграраршылармен болған кездесуде полиция қызметкерлері  аталған қосымша көмегімен полицияның блок-бекеттерінен кедергісіз жүріп өту үшін электрондық өтінімді қалай тіркейтінін өздері көрсетті. Жол департаментінде өңірде ауыл шаруашылығы техникасы мен сервистік компаниялар  полиция блок-бекеттерінен кедергісіз өтіп  жүре алатынын айтты. Полицейлер «Сергек» базасының мәліметтерін салыстырады. Сонымен қатар, кәсіпорын берген қажетті  құжат немесе жұмыс орнынан анықтаманы және  өзге де  деректемелері бар  растаушы құжаттар көрсетуге болады. Сондай-ақ «Қолдау» цифрлық платформасы жұмыс істейді.

Сонымен қатар, Арманбек Баймурзин ауыл шаруашылығы өндірушілерінің айтқан  барлық мәселелерін  жазып алды, оларды шешуде өзі көмектесуге уәде берді.

Осындай кездесулерді ЖП басшысы Есіл және Астрахан аудандарының кәсіпорындары мен шаруа қожалықтарының басшыларымен де өткізді. Мұндай жұмыс Ақмола облысының басқа аймақтарында да өткізілетін болады.

Айта кетсек, блок-бекеттерден өту тәртібі жеңілдетілді. Блок-бекет арқылы өту үшін фермерлер немесе оның қызметкерлері өзімен бірге тіркеу туралы куәлігін, жұмыс орнынан анықтама және жеке куәлігі болуы тиіс. Алайда Қазақстан фермерлер Одағында мәлімдегендей, енді блок-бекеттерден өту үшін ақпараттық жүйелерде тіркелу тек Нұр-Сұлтан, Алматы және Шымкент аумағында жүріп-тұру үшін қажет. Аталған қалаларға кірудің тағы бір жолы бар: осы үш қалаға кіруді жоспарлаған фермерлердің тізімдері жасалып, «Сергек» ақпараттық жүйесіне енгізілетін болады, сондықтан да алдын ала өз облыстарының әкімдіктеріне хабарласулары керек. Бұдан әрі, үш қаланың аумағына кірген кезде фермер жеке куәліктерін көрсетіп, блок-бекеттерде тексеруден өтеді.

Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.