Орал маңында голландиялық компанияның қатысуымен жылыжай салынады

Орал маңында, индустриалды аймақ аумағында, Пойма ауылы маңында, ауданы 55 гектар жылыжай кешені құрылысының капсуласы салынды. Жобаны Broeikas Uralsk голландиялық Ван дер Хоевенмен бірге жүзеге асыруда. Бұл туралы Батыс Қазақстан облысының әкімдігі хабарлады.

«Индустриялық аймақ салу туралы шешім бірнеше жыл бұрын қабылданған болатын. Өткен жылы ҚР Үкіметі сыртқы инфрақұрылымды жүргізуге 2 млрд 400 млн теңге бөлінді. Біздің облыс Ресей Федерациясымен шектеседі, көрші елдер өз кезегінде өңірдің ауыл шаруашылығы және тамақ өнеркәсібі үшін қолайлы нарық болып табылады. Бұл жобаның міндеті-жергілікті нарықты сапалы көкөністермен қамтамасыз ету және өнімді көрші елдерге экспорттау. Нәтижесінде 500 жаңа жұмыс орнын ашу жоспарланған», - деді БҚО әкімі Ғали Есқалиев.

Ол Жылыжай кешенінің құрылысы бірнеше кезеңнен тұратынын атап өтті. Бірінші кезеңдн 2022 жылы 5 гектар жылыжай іске қосылатындығын айтты.

«Broeikas Uralsk» ЖШС қаржы директоры Әділет Жұмаділовтың айтуынша, жылыжайдың қуаттылығы жылына 40 000 мың тонна көкөніс өнімін құрайды. Бірінші кезеңді жүзеге асыруға 7 млрд 300 млн теңге жұмсалады.

Тақырыпқа байланысты оқу: Қазақстанда картоп тұқымын себу бойынша тәжірибе жүргізеді

БҚО Кәсіпкерлік және индустриалды-инновациялық даму басқармасының хабарлауынша, жоба голландиялық van der Hoeven компаниясының қатысуымен жүзеге асырылуда. Жылыжайды іске қосу өңірдің қажеттіліктерін өтеуге мүмкіндік береді, сондай-ақ өнімдер экспортқа шығарылады.

Бүгінгі таңда БҚО – да голландиялық технологияларды қолдана отырып, 5,6 га алаңда «УТК» ЖШС және 11,8 га алаңда «World Green Company» ЖШС екі ірі жылыжай іске қосылды.

БҚО әкімінің баспасөз қызметінің мәліметінше, капсуланы салар алдында Ғали Есқалиев Нидерландының Қазақстандағы елшісі Андре Карстенспен, Қазақстанның Нидерланд Корольдігіндегі Елшісі Асқар Жұмағалиевпен, сондай-ақ ірі шетелдік компаниялардың өкілдерімен кездесті. Кездесу барысында Ауыл шаруашылығын дамытуға баса назар аудара отырып, облыстың инвестициялық, экономикалық әлеуеті таныстырылды. Қатысушылар жабық топырақтағы көкөніс өндірісін талқылап, ауыл шаруашылығы мен жылыжай ісі саласындағы өзара тиімді ынтымақтастықтың зор әлеуетін атап өтті.

Естеріңізге сала кетейік, маусым айының басында Қазақстанға жылыжайлар, ауыл шаруашылығы жабдықтары, тұқымдар, өсімдіктерді биологиялық қорғау саласындағы жетекші агроөнеркәсіптік компаниялар басшыларының — әлемдік көшбасшылардың қатысуымен Нидерланды делегациясы келді. ҚР премьер-министрі Асқар Мамин инвесторлармен 100 млрд теңгеге инвестициялық келісімге қол қойды.