Қызылордалық күріш өсірушілерге тыңайтқыш сатып алу үшін 174,1 млн теңге субсидия берілді

Қызылорда облысында жыл сайын ауыл шаруашылығын дамытуға бөлінетін субсидия мөлшері артып келеді. Атап айтқанда, жыл басынан бері облыстың күріш өсірушілері мен мал өсірушілері субсидия алды. Бұл туралы облыс әкімдігінде хабарлады.

Субсидия арқылы аймақтағы күріш өсіретін көптеген шаруашылықтар қажетті құрал-жабдықтар мен тыңайтқыштар ала алды. Олардың ішінде Жақаев ғылыми-зерттеу институты, Сырдария айданындағы «Мағжан және К» серіктестігі, Қармақшы ауданындағы «Жаңажол» ЖШС азот тыңайтқыштарын сатып алуға 174,1 миллион теңге көлемінде субсидия алды.

Сонымен бірге, Қазалы ауданындағы кәсіпкер Қуанышбаев биылғы жылы мал шаруашылығын қолдауға субсидия алды. Ол Ресей Федерациясынан 50 миллион теңгеге 80 бас асыл тұқымды ірі қара сатып алды. Шиелі ауданындағы «Айболат» компаниясы 24 миллион теңге көлеміндегі өз қаражатына Шығыс Қазақстан облысынан сүт тұқымды ірі қара мал сатып алды. Бір ірі қара малдың бағасы 150 мың теңгені құрады. Мемлекеттен алған субсидия көлемі 12 миллион теңге болды.

Әкімдіктің хабарлауы богйынша, өткен жылы Қызылордада «ҚазАгроМир» ЖШС 2,2 гектар жерде заманауи автоматтандырылған жылыжайдың пайдалануға берілгенін атап өтті. 143 миллион теңге тұратын жоба инвестициялық субсидиялар арқылы төленді. Бүгінде жылыжайда күн сайын 5-6 тоннаға дейін қияр жиналып, ішкі нарықты жаңа өнімдермен қамтамасыз етуде. Биыл жылыжайларда 300 тонна өнім жиналды.

Бұған дейін Қызылорда облысындағы тамақ өнеркәсібінің 50 пайызы  күріш өңдеуге байланысты екендігі хабарланған болатын. Облыста 45 ірі және 29 шағын күріш өңдейтін зауыт бар, олардың 27-сі халықаралық стандарттарға сәйкес келеді. Бүгінгі таңда облыстағы барлық күріш өңдеу кәсіпорындарының жылдық қуаттылығы 408,5 мың тоннаны құрайды.

Өткен жылдың осы кезеңімен салыстырғанда облыстағы ауыл шаруашылық өндірісі екі есеге өсті. Экспорт көлемі - 31% болды.