Астық экспорттаушыларға Қытаймен шекарада тұрған вагондарды қайтару ұсынылды

«ҚТЖ - Жүк тасымалы» компаниясы ауыл шаруашылық өнімдерін жіберушілерге Достық станциясында бос тұрған вагондарды басқа станцияларға жіберуді ұсынды, себебі Қытай тарабы оларды бір айдан бері қабылдамай отыр. Бұл туралы ресми өкіл - Қазақстан астық одағының сарапшысы Евгений Карабанов мәлімдеді.

Евгений Карабанов өзінің Facebook парақшасында ҚТЖ - Жүк көлігі Қостанай филиалының хатын жариялады, онда COVID-19 жағдайында ҚХР тарапынан шекарадағы бақылау шараларының күшейтілуіне байланысты жүк тиелген вагондар  Достық станциясында қыркүйек айынан бері қаңтарылып өте алмай тұрғаны хабарланған.

«Вагондар ұзақ уақыт тұр, ал ауа райы үнемі өзгеруде, жылы / суық / аяз болуда. Жылжымалы вагондарының ішінде конденсация пайда болуы мүмкін, бұл жүктің бұзылуына әкеледі. Жиналған вагондарды қашан өткізетіндігі туралы Қытай тарапы ешқандай жауап бермейді», - деп жазылған хатта.

Осыған байланысты компания жүктерді басқа елдерге жәберу мүмкіндігін қарастыруды ұсынады.

Евгений Карабановтың айтуынша, бұл экспорттаушылар үшін мүмкін емес. Алтынкөл / Қорғас өткелі арқылы тауарларды жіберу мүмкін емес, өйткені аталған шектеулер сол жерде де қолданылады. Ал егер вагондарды кері қайтарса, жүк жөнелтушілер өз қалталарынан ақша төлеулері тиіс.

Астық одағы сарапшысының айтуынша, бүгінгі күнге дейін Достық станциясында 12 мыңнан астам автокөлік жиналып тұр.

«Вагондар 6-7 қарашадан бері тұр, себебі ол кезде Қытай аталған тыйымды енгізбеген еді», - деді ол.

Тақырыпқа байланысты оқу: Қытайға астық экспорты тоқтатылды

Сонымен бірге, «Атамекен» ҰКП-нің басқарушы директоры - агроөнеркәсіптік кешен және тамақ өнеркәсібі департаментінің директоры Ербол Есенеевтің айтуынша, Қытаймен шекарадағы мәселе біртіндеп шешілуде.

«ҚТЖ - Жүк тасымалы басшылығы Үрімші теміржолымен (Қытай) ҚХР бағытында қазақстандық пойыздардың өтуін арттыру мәселесін шешті. Егер бұған дейін тек 7 пойыз өтсе, қазір 14 пойызға дейін жіберілетін болады, яғни екі есеге арттыруға келістік», - деп хабарлады ол.

Барлық мәселені шешу үшін, іс-шараларды жүзеге асыру үшін Алматыдан арнайы топ  бүгін Достық станциясына аттанбақ.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.