Макинск құс фабрикасы өндірісті 2,4 есе кеңейтті

Ақмола облысында орналасқан «Макинск құс фабрикасы» ЖШС екінші кешендерін іске қосып,Орталық Азиядағы ең ірі тауық өндірушісіне айналды. Бұл туралы Қазақстан Республикасы Премьер-Министрінің баспасөз қызметі хабарлады.

«Сағатына 9 мың бройлер құс шығаратын фабрика жылына 25 мыңнан 60 мың тоннаға дейін өнім өндіре алады. Қазақстанның ішкі нарығының қажеттіліктерінің 22% -на дейін қамтамасыз етуге және импорттың үлесін 42% -дан 33% -ға дейін азайтуға мүмкіндік береді. Кәсіпорында екінші кешені пайдалануға берілгеннен соң тұрақты жұмыс орындарының саны 800-ден 1370 адамға дейін  артты», - деп хабарлады баспасөз қызметі.

Макинск құс фабрикасының бірінші және екінші кезектегі нысандарын іске қосуға 48,5 миллиард теңгеден астам инвестиция жұмсалды. Қазіргі кезде бұл Қазақстан Республикасының құс етін өндіру және қайта өңдеу саласындағы ірі инвестициялық жобасы болып табылады.

Сонымен бірге, жобаның үшінші кезеңін 2023 жылы бастау жоспарланып отыр, содан кейін кәсіпорынның қуаттылығы жылына 100 мың тонна құс етіне дейін артады. Бұл өсімдік шаруашылығының дамуын және осыған байланысты салаларда жұмыс орындарының ашылуына ықпал етеді. Кәсіпорынның аталған жобасы үшін 40 миллиард теңгеден астам инвестиция салынатын болады.

Тақырыпқа байланысты оқуҚазақстандық құс өсірушілер жыл сайын 30 млрд теңге субсидия алады

Макинск құс фабрикасы Aitas холдингінің құрамына кіреді. Холдингтің стратегиясына сәйкес 2030 жылға қарай 350 миллиард теңге инвестиция салып, өндіріс көлемін жылына 350 мың тонна ет өндіруге дейін арттыру жоспарланып отыр.

«2024 жылға қарай біз ішкі нарықты отандық тамақ өнімдерімен, оның ішінде құс етімен толық қамтамасыз етуіміз керек. Макинск құс фабрикасының өндірістік қуатын одан әрі кеңейту Қазақстандағы азық-түлік қауіпсіздігін күшейтеді», - деп хабарлады премьер-министр  Аскар Мамин фабриканың ашылу салтанатында.

Сонымен қатар, үкімет басшысы «Макинск құс фабрикасы» ЖШС құрама жем өндіретін зауытты іске қосты. Жобаның құны - 4,7 миллиард теңге, жобалық қуаты - жылына 150 мың тонна.

Баспасөз қызметінің ақпаратына сәйкес, алдағы жылдары республикада жалпы қуаттылығы жылына 175 мың тонна өнім шығаратын 12 жаңа құс фабрикасы пайдалануға беріледі. Бұл құс етін импортпен алмастыру мәселесін толығымен шешуге мүмкіндік береді.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.