GrowSafe жүйесі бойынша іріктелген Ақбас сиырлар Асыл түлікке әкелінді

«Асыл Түлiк» асыл тұқымды республикалық орталыққа Қазақ ақбас сиыр тұқымының республикалық палатасы есебінен гендік қорды толықтыру үшін бес асыл тұқымды бұқа әкелді. Бұқашықтарды іріктеу кезінде GrowSafe Systems технологиясы қолданылды, деп хабарлады «Асыл түлік» баспасөз қызметі.

Бұл асыл тұқымды бұқалар Павлодар облысындағы «Галицкое» ЖШС –дан сатып алынды. Әрбір әкелінген бұқадан 50-60 мың дозаға дейін тұқым алуға болады және қазақ ақбас тұқымының аналық басын қолдан ұрықтандыру үшін аймақтарға беру жоспарлануда. Барлық бұқалар GrowSafe жүйесі бойынша іріктеліп алынған, сондықтан оларды аталған тұқымды жақсартады деп сеніммен айтуға болады.

Тақырыпқа байланысты оқу: Павлодарда бұқаларды технология бойынша анықтайтын болады

Технология тұқым үшін өсіретін бұқаларды ұрық сапасы бойынша бағалау процесін жеделдетуге мүмкіндік береді, жемшөппен азықтандыра отырып, 49 күн ішінде әр малдың салмағын күнделікті жеке өлшеумен қатар, қосымша бейімдеу кезеңі 14 күннен аспайды.

«Малдың қашықтықтан тану технологиясының арқасында жануарларды оңай анықтауға болады, азықты тұтыну және жеке салмағы бойынша деректерді жинау әр мал жайлы ақпараттың дәлдігін арттыруға мүмкіндік береді. Әр жануардың салмағын күнделікті өлшеу тірі салмақты есептеу дәлдігін қамтамасыз етеді, бұл күнделікті малдың жеке салмағының дұрыстығын анықтайды», - деп түсіндірді баспасөз қызметі.

2020 жылы «Асыл түлік» орталығына қазақтың ақбас сиырының генетикалық әлеуетінің, қасиеттерін жақсарту үшін «Сәбит» ШҚ және «Айсұлу» ЖШС-дан «Шағатай» және «Аңқаты» типтес 10 бұқа әкелінді. Бүгінгі таңда бұл бұқалардан генофондта сапалы асыл тұқымды материалдың 50 мыңнан астам дозасы жинақталған.

«Асыл түлік» асыл тұқымды орталығының бүгінгі таңда гендік қорында қазақ ақбас тұқымының ішінде қасиеті бойынша жоғары бағаланған 20-дан астам тұқымдық бұқалары бар. Қазақтың ақбас тұқымының гендік қорында жинақталған тұқымның көлемі 250 мың дозадан асады.