Дүниежүзілік банк Қазақстаннан органикалық сиыр етін алуға ниет білдіруде

Табиғи таза жайылымдарда  органикалық ет өндіру бәсекелестік жағдайда Қазақстанның мүмкіншіліктерін арттырады. Аталған  жоспар Дүниежүзілік банктің қолдауымен елімізде 2021 жылы басталатын бес жылдық «Мал шаруашылығын тұрақты дамыту бағдарламасында» бекітіліп, келешекте жүзеге асырылатын болады.

ҚР Ауыл шаруашылығы вице-министрі Гүлмира Исаева хабарлағандай, өткен аптада аграрлық ведомство мен Дүниежүзілік банк мамандарының онлайн-кеңестері өтті. Аталған шараға ҚазҰАУ проректоры Марина Алексеева және Kusto Group үкіметпен байланыс жөніндегі менеджері Әмина Ахметжанова қатысты.

Тақырыпты оқу: Қазақстан мал шаруашылығы: агро өнеркәсіптің жақсы идеясы

«Мал шаруашылығын тұрақты дамыту бағдарламасы»  агроөнеркәсіптік кешенді дамытудың мемлекеттік бағдарламасының жақсы жалғасы болып табылады. Ол 2021 жылы аяқталады. Құжатта мал шаруашылығы мен ет өңдеу саласын дамытудың модельдері қарастырылған. Оның ішінде бұзауларды өсіру және өсірумен айналысатын мандандырылған шаруашылықтармен, сондай-ақ мал бордақылау алаңдарымен ет комбинаттарымен өзара іс-қимыл жасайтын фермерлердің қызметі жайлы айтылған.

Мұндағы негізгі міндет — төлді тіркеуден бастап етті қайта өңдеу кәсіпорындарында соңғы өнім алуға дейінгі жұмыстың барлық сатысын электрондық жүйе арқылы тіркеп,  қадағалауға болады.

Ветеринариялық қауіпсіздікті жақсарту үшін  Халықаралық эпизоотиялық бюро мен Францияның ауыл шаруашылығы министрлігін, сондай-ақ жеке практикамен айналысатын ветеринариялық дәрігерлерді жұмысқа тарту мәселесі қарастырылады.

Жоспар бойынша-100 мың фермерді, сонымен қатар, қашықтықтан білім беру жүйесінде  курстар арқылы оқыту қарастырылады. Бұл жағдайда, бәсекелестік жағдайда жоғары сапалы сиыр етін өндіруге қатысатын фермерлер саны бес жыл ішінде 20 мыңға дейін өсуі тиіс.

Бағдарламаны жүзеге асыру барысында алғаш рет PforR, яғни нәтижеге бағдар алу сияқты қаржыландыру құралы қолданылатын болады.

Тақырыпты оқу: Қазақстан АӨК-тері: Quo Vadis?

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.