Ерубаев Бейбіт Киікбайұлы

Ерубаев Бейбіт Киікбайұлы

«Қазақстанның органикалық өнімдері өндірісі одағы» компаниясының бас директоры «KazBeef»
599

Facebook-тегі профилі

Бейбіт Ерубаев Талғар қаласында дүниеге келген.

Білімі

Бейбіт Ерубаев Талғар қаласындағы №6 мектепте білім алған. Қазақ аграрлық академиясын экономика мамандығы бойынша тәмамдаған.

2004-2005 жылдары – Бейбіт Ерубаев Уэйнсберг  университетінде  «Болашақ» бағдарламасы бойынша ІӘМ (іскери әкімшіліктендіру магистрі) дәрежесін алған (Пенсильвания, АҚШ).

Карьерасы

Алматыдағы аграрлық академиядан кейін Астанаға жеке білім беру орталығында ағылшын тілінің оқытушысы болып жұмыс істеген.

Бейбіт Ерубаев Солтүстік Дакотадағы сауда басқармасында жұмыс істеп, 8 жыл Штаттарда тұрды.

2010 ж. бастап – «KazBeef Group» бас директоры.

Тақырып бойынша оқыңыз«KazBeef» экономиканың «негізгі саласын» құруға көмектесті

Қызықты фактілер

  • Бейбіт Ерубаевтың қазақстанның мал шаруашылығының болашағына үміті зор.
  • Тамақтану батырмалы смартфондардан ұялық телефондарға ауысқандағыдай эволюциялық өзгерістерге ұшырауда деген сенімде.

Цитаталары

«Қазақстанның мал шаруашылығының ірі державасына айналғанын қалаймыз.» (2019 ж. тамыз)

«Алғашқы он жыл ішінде вакциналар болмаған, мамандар жетіспеген кездерден бастап алғашқы маңызды жетістіктерге дейінгі талай қиыншылықтарды басымыздан өткеріп, елдегі мал шаруашылығының алғашқы бастаушылары болдық. Бастапқыда етті бағыттағы блэк ангус, герефорд тұқымдарын көбейткіміз келгенімен, ол тұқымдарға сұраныс бола қоймады. Бордақылау кешеніне көшуді жөн санап, артынан модернизациялау мақсатында Щучинск ет комбинатын сатып алдық. Яғни, біз өрістен тікелей дүкен сөресіне дейінгі  тұжырымдаманы жүзеге асырғымыз келді.» (2019 ж. тамыз)

«Біз озық батыстық технологияларды қазақстандық шындыққа ауыстырдық және жаңа инженерлік әзірлемелерді қолдандық.»  (2019ж. тамыз)

«Біздің өнімдер халықаралық стандарттарға сәйкес келеді. Солардың бірі – біздің етіміздің қауіпсіздігіне кепілдік беретін еуропалық GFSI. Жыл сайын аудит жүргізілетіндіктен, әрдайым тамақ қауіпсіздігінің ең жоғары өлшемдеріне сәйкес келетінімізді растаймыз. Сондай-ақ, өнімдеріміз халал сертификатына сертификатталған.» (2019ж. тамыз)

«Автоматтандырудың арқасында кез-келген уақытта бұқаның нөмірін енгізу арқылы оның қандай«мәзірде» екенін көреміз, бәрі автоматтандырылған, қандай да болмасын қағазбастылыққа жол берілмеген. Сонымен қатар, бағдарлама сымсыз желімен секундына 10 Mbit жылдамдықта жұмыс істейді, бұл астаналықтардан да жақсы көрсеткіш. (2019ж. тамыз)

«Біздің компания – батыстық технологияларды Қазақстанда қалай қолдануға болатындығының жарқын мысалы. 2020 жылға қарай Қытай, Таяу Шығыс және Шығыс Еуропаның экспорттық нарықтарына шығуды жоспарлап отырмыз. Біз жер көлемі бойынша тоғызыншы, жайылымдық аумақтар бойынша бесінші елміз, ал геолокация бойынша ірі нарықтар арасында орналасқанбыз, сондықтан біз осы факторларды монетизациялауымыз керек. Біз әрқашан мал шаруашылығы держасы болып келдік және болып қалмақшымыз.» (2019ж. тамыз)

«Мен ғарыш кемесін ойлап тауып отырған жоқпын, тек ата-бабаларымыз мыңдаған жылдар бойы айналысқан кәсіпті жалғастырып отырмын.» (2018 ж. қараша)

«Біз Ресей нарығына шығу міндетін қойдық. Өнімнің тең жартысы экспортқа, жартысы ішкі нарыққа шығарылады. Ал Қытай нарығына мал басын көбейткен кезде ғана кіре аламыз. Алдымызға ішкі нарықты дамытудың неғұрлым биік межелерін қойып отырмыз. Қазір Қазақстанның ішкі нарығының 70%-ы – бұл қосалқы шаруашылықтардың ет базары. Жақсы бағаға жақсы сапа беретіндей етіп, өзгеріс жасағымыз келеді. » (2018 ж. қараша)

«Шекара бірде ашылып, бірде жабылады. Ресей қайсыбір ауруға байланысты шекараларын жауып тастаған сәтте 10 жүк машинаға тиелген етті қайда жібермекпін?! Сондай сәтте экспортқа емес, ішкі нарыққа сүйену керектігін түсінесін. Біз үшін ішкі нарық әрқашан басты нарық болады.» (2018 ж. қараша)

«Біз 10 мың басқа арналған ірі бордақылау алаңының құрылысын аяқтап жатырмыз, етті қайта өңдеу зауытын қайта жаңарту, қаптаманың жаңа стандарттарын енгізу, жайылымдарды сумен қамтамасыз ету және қыста мал суаратын суаттарды жылытуға геотермалдық энергияны қолдану жұмыстарын жүргізудеміз. Ет мәрмәр түсті керемет, мәрмәр түсті және кәдімгі болып бөлінеді. Бірақ басты мақсат – тамақ қауіпсіздігі. Тұтынушы құрамында гормондар мен антибиотиктері жоқ ет жейтінін білуі керек. Сойылатын мал санын көбейтудеміз, басында аптасына 10 бас сойсақ дегенбіз, бүгінде күніне 20 басқа көбейттік, келесі жылы күніне 100 бас союды жоспарлап отырмыз.» (2018 ж. қараша)

«Солтүстік Қазақстан компанияның тарихында бірінші рет астық үшін жүгері өсірді. Малға арналған «мәзірді» Канададан келген ветеринарлық диетолог әзірледі. 180 күнге созылатын бордақылау кезеңінде мал - 550 кг дейін қарқынды салмақ алады.»   (2018 ж. қараша)

«Ангус немесе герефордпен салыстырғанда қазақтың ақбас және әулиекөл тұқымдарының арасында дәмі бойынша айырмашылығы жоқ. Бірақ тең жағдайда 7 кг жем жеген қазақтың ақбасы 0,8 кг және ангус 1,3 кг салмақ өсіреді. Бордақылаудың бір күні 400 теңге тұрады. 180 күнде біз соңғы 550-600 кг салмақты алуымыз керек. Өкінішке орай, жергілікті генетиканы қолдансақ 180 күнде 260-280 кг-ға ғана қол жеткіземіз. Барлық айырмашылық осында.» (2018 ж. қараша)

«Шағын фермалар ыңғайлырақ, ал ірі қара малыңыз 90 мың бас болған кезде, процесті толық бақылау мүмкін емес. Мал ауырмай, өлмей тұрмайды, оған қоса ұрланады. Екі жүзді басты баққан оңай ма немесе мың басты баққан оңай ма? Жергілікті фермерлермен серіктес болу арқылы барынша сапалы ет аламын. Біздің ата-бабаларымыз осылай істеді, бізге құдай өзі берген жерді неге пайдаланбасқа?» (2018 ж. қараша)

«Біздің үлкен салыстырмалы артықшылығымыз – бос жайылымдардың үлкен ауданы. Америкада бос жер жоқ. Қазақстанға ұшақпен ұшатын болсаң ен даланың ортасында тұрған Астананы көресің. Технологияны қатаң ұстанып,  тәулігіне 24 сағат, аптасына жеті күн жұмыс істесек, міндетті түрде жетістікке жетеміз.»  (2012 ж. қараша)

«Біз өз қызметкерлерімізге кәрізі бар, ыстық және салқын сумен, жылумен қамтылған үйлер саламыз. Қазіргідей Беларуссиядан мал дәрігерін, Ресейден зоотехникті алып келмес үшін балаларды өз қаражатымыздың есебінен ауылшаруашылық мамандықтары бойынша оқытуға дайынбыз.» (2012 ж. қараша)

«Қазір бәрін қайтадан бастауға ешқашан келіспес едім. Бір жыл ішінде қаржы полициясы бізді үш рет, Есеп комитеті екі рет тексерді. ҰҚК, прокурорлар, өрт сөндірушілер ...  Бізге жала жауып, Президентке дейін жазды. Қысқа мерзімде іске асырылатын жоба үлкен күш-жігерді қажет етті, сиырлар ұшу мен күйзеліске байланысты мерзімінен бұрын төлдей бастады, далада минус 50 градус, ал мен болсам қаржы полициясына барудан босамадым. Бастаған ісімді аяқтауға рұқсат етіңіз, содан кейін қалағаныңызша тексеріңіз!» (2012 ж. қараша

«АҚШ-та етті бағыттағы мал шаруашылығы – мұнай мен газдан кейінгі екінші кәсіп. Бұл нағыз кэш генераторы. Мен бұл технологиялар мен генофондының біздің мал шаруашылығымызға енгенін қалаймын." (2012 ж. қараша

Деректер немесе компания бөліміндегі ақпаратты жаңарту үшін жаңартылған деректерді электронды пошта арқылы жіберіңіз info@eldala.kz

Ашық көздерден дайындалған
Жаңартылды 19 мая