Қазақстандық фермерлер малды аурудан сақтандыра алады

ҚР Ауыл шаруашылығы министрі Сапархан Омаров Kazpravda.kz-ке берген сұхбатында АӨК саласында сақтандырудың жаңа өнімдерін әзірлеу туралы айтып берді.

«Осы уақытқа дейін мал шаруашылығында сақтандыру болған жоқ, сондықтан мал мүлік ретінде сақтандырылды: ұрлық, жазатайым оқиғалар және т.б.жағдайлардан сақтану үшін. Алайда, тірі тіршіліктің малдың ауруы сияқты ерекшелігін ескеретін құралдар болған жоқ еді», - деді АШМ басшысы.

Оның айтуынша, қалыптасқан эпизоотиялық жағдайды ескере отырып, шетелдік қайта сақтандыру компанияларымен бірлесіп, мульти тәуекел сақтандыру өнімдері әзірленуде – бұл ІҚМ-ды аурудан, оқыс  оқиғалардан, қауіпті табиғи құбылыстардан, өрттен, үшінші басқа бір тұлғалардың шаруашылық аумағынан және одан тыс жерлерде 5 километр радиустағы қаскүнемдік әрекеттерінен сақтандыратын болады.

Сондай-ақ, Омаров биылғы жылы  егістікті құрғақшылықтан ерікті түрде сақтандыру аясында фермерлер 491 млн теңге көлемінде 67 шартқа сақтандыру төлемдерін алғанын хабарлады. Бұл олар төлеген сыйлықақылар сомасынан 7,3 есе асады.

 Сонымен қатар, жаңбырдан сақтандыру шарттары бойынша шаралар 15 тамыздан 15 қазанға дейін жарамды. Биылғы жылы егін жинау кезінде жаңбырдан және ерте жауатын қардан 7 сақтандыру шарты жасалды, сақтандыру сыйлықақысын субсидиялау сомасы 17 млн теңгені құрады. АӨК-тегі сақтандыру операторы «ҚазАгро» Холдингінің еншілес ұйымы – Ауыл шаруашылығын қаржылай қолдау қоры болып тағайындалды.

«Фермерлердің мүдделерін қорғау үшін агро сақтандыру сегментіне ҚР Қаржы нарығын реттеу және дамыту агенттігінің лицензиясы бар сақтандыру компаниялары ғана жіберіледі. Қазіргі уақытта бекітілген сақтандыру өнімдері бойынша екі компания жұмыс істейді – «Жусан гарант» және «Виктория». Сонымен қатар, басқа компанияларды қатыстыру мәселесі бойынша келіссөздер жүргізілуде», - деп нақтылады Сапархан Омаров.