Біздің парақшамыздан Қазақстандағы агробизнестің соңғы жаңалықтарын бірінші болып біліп отырыңыз Facebook, арнада Telegram, бізге жазылыңыз Instagram немесе біздің пошталық жіберу.
ҚазАгро 2,4 мың ауыл шаруашылығын өндірушілерге жеңілдетілген несие береді
06 апреля 2020
«ҚазАгро» холдингі еншілес АҚ «Аграрлық несие корпорация» ұйымы арқылы 2020 жылғы көктемгі егіс жұмыстарына 2,4 мың ауыл шаруашылығын өндірушілерге жеңілдетілген несие береді, деп хабарлады холдингтің баспасөз қызметі.
Хабарламада айтылғандай, «Кең дала» бағдарламасы бойынша фермерлерге берілетін несие 3 млн.га егіс алқабына жетеді. Қазіргі уақытта көктемгі егіс жұмыстарына арналған қаражаттың көп бөлігі берілді.
Тақырыпты оқу:Қиын қыстау кездегі ақпарат тәрізді: Қазақстан аграршылары дағдарыс жағдайына дайындалуда
Сонымен қатар, мемлекет басшысының тапсырмасымен «Қарапайым заттар экономикасы» бағдарламасы бойынша аталған саланы қаржыландыру қарастырылған. Бөлінген 100 млрд.теңге Қазақстан жеріндегі алқаптарды өңдеуге, тұқым себуге және егін жинау жұмыстарына арналған. Сондай-ақ, «ҚазАгро» бойынша қарыз алушылар үшін сыйақы мөлшері 6% - дан аспайды.
Холдинг хабарламасында айтылғандай, фермерлер несиені жылдам алу үшін кепілдікке зат қою шарттары жеңілдетілді. Бұл жағдай өтімділік коэффициенттерінің нақты мөлшерін белгілеуге мүмкіндік береді. Енді фермерлер несиенің сомасын дербес түрде алдын ала есептей алады. Кепілдікке кез келген жылжымайтын және жылжымалы мүлік, жер учаскесі, жер пайдалану құқығы, жабдықтар, ауыл шаруашылығы техникасы, ауыл шаруашылығындағы малдар және тағы басқа да заттар қабылданады.
Тақырыпты оқу: Қазақстанда құрғақшылық болуы мүмкін
Бизнес –процестерді қарастыру қарыз алудағы құжат тапсыруды барынша жеңілдетуге мүмкіндік берді. Заңды тұлғалар үшін тапсыратын құжаттар тізімі екі есеге дейін қысқартылды деуге болады- 27 –ден 13-ке дейін, шаруа қожалықтары мен жеке кәсіпкерлер үшін 16-дан 12-ге дейін (25% - ға) азайтылды
Фермерлердің өтінімдерін қарастыру мерзімі де қысқартылды. Бұрын уақыт 30 күн болса, қазір 10 жұмыс күніінің ішінде қарастырылады.
Еске сала кетейік, мемлекет басшысының тапсырмасы бойынша, аграрлық саланы қаржыландыру негізгі міндеттердің бірі болып саналады. Қасым-Жомарт Тоқаевтың 2020 жылғы 31 наурыздағы «Қарапайым заттар экономикасы» бағдарламасы бойынша көктемгі егіс жұмыстарына 70 млрд теңге және қосымша 100 млрд теңге бөлінуде.
