ҚР-да дәнді дақылдардың өнімділігі 2040 жылға қарай 15% -ға төмендеуі мүмкін

ҚР-да топырақ, геоботаникалық зерттеу және топырақ бонитетін анықтау жұмыстары жалғасуда. Атқарылып жатқан істердің нәтижелері көңіл көншітпейді: республикада топырақ құнарлылығының тұрақты т.рде төмендеуі және жайылымдық жерлердің тозу үрдісі күшейіп келеді. Бұл туралы Ауыл шаруашылығы министрлігінің баспасөз қызметінен хабарлады.

Ауыл шаруашылығы министрі Ербол Қарашөкеев мемлекеттік жер кадастры жүргізіп жатқан «Азаматтарға арналған үкімет» мемлекеттік корпорациясының мамандарымен зерттеудің нәтижелерін талқылады.

Құнарлылықтың төмендеуінің негізгі себебі - жер пайдаланушылардың жер заңнамасының негізгі талаптарын сақтамауы. Мемлекеттік корпорацияның болжамы бойынша, егер мұндай үрдіс жалғасатын болса, 2040 жылға қарай дәнді дақылдардың өнімділігі шамамен 15% -ға төмендеуі мүмкін.

Тақырыпқа байланысты оқуЖер ресурстары саласына жасалған аудит 1 млрд теңгеге бағаланған заң бұзушылықтарды анықтады

Ауыл шаруашылығы министрлігі басшысының айтуынша, топырақ құнарлылығының нашарлауы, ең алдымен, жер пайдаланудағы жүйелі проблемалардан туындады. Атап айтқанда, мемлекетте әлі күнге дейін жерді пайдалану процестерін нақты бақылауды жүзеге асырудың қазіргі заманғы цифрлық технологияларға негізделген құрал жоқ.

Екінші жағынан, жалдау шарттарында жалға алушының міндеттемелері нақты жазылмайды, техникалық сипаттағы олқылықтар да бар. Нәтижесінде жауапсыз жер пайдаланушылармен жалдау шарттарын бұзу үшін дәлел жинау мүмкін емес. Бұл егістік жерлерге де, жайылымдық жерлерге де қатысты.

Ауыл шаруашылығы министрлігі бұл жүйелі мәселені қысқа мерзімде шешуді жоспарлап отыр. Егіс айналымының сақталуына нақты бақылау жүргізу және жайылымдардың тозу дәрежесін анықтау үшін ғарыштық мониторинг пен жерді қашықтықтан зондтауды пайдалана отырып, егістіктегі өсімдіктердің түрлік құрамын айқындаудың қазіргі заманғы әдістемесі әзірленетін болады.

Екінші жағынан, әрбір жер учаскесі бойынша топырақтың жай-күйі туралы тұрақты негізде нақты ақпаратқа ие болуға мүмкіндік беретін республикалық агрохимиялық қызметтің қызметін қазіргі заманғы әдістемеге көшіру жоспарлануда.

Тақырыпқа байланысты оқу«Шахтерск» шаруашылығында өнімділікті екі есеге арттырды

«Тек осы аталған  мәселелерді шешу арқылы ғана біз жерді пайдалану үдерістеріне нақты бақылау орнатып, сол арқылы біздің басты байлығымыз - жерді бақылаусыз және немқұрайлы пайдалануды тоқтата аламыз. Бұл біздің ведомствоның ең өзекті міндеттерінің бірі болып табылады», - деп атап өтті Ербол Қарашүкеев.

Естеріңізге сала кетейік,Қазақстанның геоботаникалық картасын жаңарту бойынша жұмысты Агрохимиялық, топырақты зерттеу және кешенді-іздестіру жұмыстары департаменті (АТЗКІЖД) - «Азаматтарға арналған үкімет» мемлекеттік корпорациясының филиалы жүргізеді. Қазақстанның геоботаникалық картасы соңғы рет 40 жыл бұрын жаңартылды және оны өзектендіру жұмыстары 2017 жылы басталды.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.

article