Қазақстандық фермерлерге попкорн жасауға арналған жүгері өсіру ұсынылады

Биыл Agropark Ontustik жаңа дақыл ретінде попкорнға арналған жүгері өсірді. Жобаны американдық Kin Commodities компаниясымен бірге ҚазҒЗИ-дің өсімдіктерді қорғау және карантин ғалымдары, Ауыл шаруашылығы және өсімдік шаруашылығы (ҚазҒЗИжӨ) ғалымдары жүзеге асырды. Бұл туралы Ұлттық аграрлық ғылыми-білім беру орталығы баспасөз бетінде хабарлады.

Бұл өсірілетін жүгерінің кәдімгі жемдік жүгеріге ұқсастығына қарамастан, попкорн жасайтын дақылдың өзіндік ерекшеліктері де бар. Бұл дақыл суды көп қажет етеді, топырақтың қышқылдығына, бұрын қолданылған гербицидтерге өте сезімтал. Дақылды жинауға да ерекше талаптар қойылады: айналмалы құралы бар заманауи комбайндар қажет, егінді уақытында жинау керек және дәннің ылғалдылығына да аса назар аудару қажет.

ҰАҒБО-да атап өткендей, осы технологиялық мәселелердің барлығы жоба басталған кезде қарастырылды. Жүгеріні себу үшін біз тапсырыс берушінің топырақ қышқылдығына қойылатын талаптарына сәйкес келетін алқапты таңдадық. Ғалымдардың міндеті іс жүзінде попкорн өсірудің әртүрлі шарттарын нақтылау, қажетті сападағы өнім алу және аймақтағы фермерлер арасында технологияны жаппай үйретуге дайындау болды.

«Попкорн - бұл бүкіл әлемде танымал тағамдардың бірі. Алайда, Қазақстандағы барлық попкорн шетелден импортталып әкелінеді. Біздің пилоттық жоба Алматы облысында ішкі нарықты қамтамасыз ететін болады және экспортқа шығару практикасының негізін қалауы мүмкін», - дейді ҚазҒЗИжӨ ғалымдары.

Тақырыпқа байланысты оқу:  Kusto Farming солтүстікте азықтық жүгері өсіруде

Kin Commodities американдық Caravan Popcorn компаниясының қазақстандық еншілес компаниясы, ол Небраска штатында орналасқан попкорн өндірушісі. Компания қазірдің өзінде Қазақстанға Алматы облысы, Байсерке ауылында орналасқан қайта өңдеу зауытына инвестиция салатын болады.

Американдық алқаптардағы попкорнның орташа шығымы 5-6 т / га құрайды. Агропарктегі өнімділік биыл гектарына 4 тоннадан асты, бұл өте оң нәтиже деп саналады. Сонымен бірге, ғалымдардың айтуы бойынша, американдық серіктестер жүгерінің сапасына таң қалуда.

«Біздің агротехникалық шаралар мен жақсы суарудың арқасында, біздің аймақтағы өнімділік  8 т / га дейін жетеді. Мұндағы негізгі әсер ететін шектеуші фактор - су! Биыл  2020 жылы облыстың көптеген фермерлері суаруда көптеген қиындықтар көрді, сондықтан да жүгері өсіру кезеңінде суарудағы ұзақ үзілістер оларға жоғары көрсеткіштерге қол жеткізуге кедергі келтірді», - деп атап өтті ҚазҰҒЗИ ғалымдары.

Kin Commodities иесі Джей Боубактың айтуынша, Қазақстан өзінің ауыл шаруашылық әлеуеті мен Небраска штатына ұқсас климатына байланысты өндірісті бастау үшін таңдалған. Америкалық серіктестер қазақстандық ғалымдардың жоғары кәсібилігін атап өтуде. Атап айтқанда, олар отырғызу, өсіру және жинау кезінде қолданған   жабдықтар жайлы айтылды. Попкорнды жинау кезінде оны мұқият орындау өте маңызды, өйткені жарылған және сынған тұқымдар пісіруде жарылмайды, жақсы комбайндардың арқасында  жұмыс дер кезінде жасалды.

ҰАҒБО мәліметінше, егер жоба сәтті болса, фермерлерге попкорн өсіру үшін жаңа дақыл ретінде ұсынылады. Оны кәдімгі жүгерімен, бидаймен алмастырып, соядан кейін отырғызуға болады, сондай ақ попкорнды ауыспалы дақыл ретінде отырғызу болады.

Тақырыпқа байланысты оқу: Байсерке агро елдегі астықпен салыстырғанда жүгері және соядан 3 - 4 есе артық өнім жинады

Американдық өндіруші Kin Commodities тұқым әкеледі. Фермерлер, өз кезегінде, ережеге, шартқа сәйкес егін егіп, күтіп-баптап, уақытылы суаруды қамтамасыз етумен ғана айналысады. Сонымен бірге KIN Commodities сарапшылары барлық мәселелер бойынша фермерлерге кеңес береді. Астық жинау аяқталғаннан кейін KIN Commodities өнімді фермерден тікелей егіс басынан сатып алады да өңдейді, қорапқа салады және тұтынушыларға сатады: Қазақстан, Өзбекстан, Қырғызстан, Ресей және басқа елдерге жібереді.

Егістіктен жиналған өнім тікелей қоймаға жеткізіледі, содан кейін алған мөлшер бойынша фермерлерге төленеді.

 «Аталған жобадан жақсы пайда түсуде және оның шаруа үшін тиімді болатындығын айқын көрсетті. Біз Агропарк командасымен ынтымақтастықты жалғастыруға үміттіміз және олармен міндетті түрде жаңа жұмыстар істейтін боламыз» - деп қорытындылады сөзін Джей Бубак.