Азық-түлік корпорациясы 1 млн тонна астық сатып алуда

Ағымдағы жылы Азық-түлік келісім шарт корпорациясы жаңа жиналған астықтан 1 млн тонна астық сатып алады. Бұл астық қоры ұн тарту, мал шаруашылығы және құс шаруашылығы ұйымдарына жаңа астық сатып алу үшін жұмсалады. Бұл туралы Азық-түлік корпорациясының Ауыл шаруашылығы өнімдерін сатып алу және сату департаментінің директоры Рустам Жанатаев мәлімдеді.

«Форвардтық қаржыландыру бойынша жасалған шарттар бойынша 760 мың тоннадан астам астық жинауды жоспарлап отырмыз. Сондай-ақ, үкімет резервінен мал жеміне арналған астық сатып алуға 20 млрд теңге көлемінде қосымша қаражат бөлінеді. Бұл шамамен 200 мың тонна болады. Жалпы алғанда біз 1 млн тонна астық жинауды жоспарлап отырмыз», - деді Рүстем Жанатаев.

Тақырыпқа байланысты оқу: Азық-түлік корпорациясы форвардтық астық сатып алуды 40 млрд теңгеге дейін арттырады

Сонымен қатар, ол сатып алынған барлық көлем ішкі нарықты қамтамасыз етуге жұмсалатынын атап өтті. Нақтылап айтқанда, Азық-түлік корпорациясы ұн тарту кәсіпорындарын, құс және мал шаруашылықтарын астықпен қамтамасыз ететін болады.

Сондай-ақ, ауыл шаруашылығы өнімдерін өндірушілермен жұмыс істеу шарттары да өзгеруде.

«Егер бұрын ішкі нарықта біз астықты элеваторларда ғана сататын болсақ, қазір біздің отандық тұтынушыларымыз сатып алушының есігіне дейін астықты жеткізу бойынша қызмет түрлерін көрсетуге мүмкіндіктері бар. Ол үшін «Астык Транс» астық тасымалдаушылар паркін және «Қазтеміртранс» жабық вагондарын пайдаланамыз», - деп нақтылады Азық-түлік корпорациясының өкілі.

Естеріңізге сала кетейік, бірінші жартыжылдықта Азық-түлік корпорациясы ішкі нарықты тұрақтандыру үшін 410 мың тоннадан артық астық сатқан болатын. Оның ішінде 325 мың тонна ұн тарту компанияларына сатылды, соның арқасында нан бағасының күрт ауытқуы болмайды. Бұдан басқа, мал жеміне арналған қор жиналды, оның ішінде мал шаруашылығы және құс шаруашылығы кәсіпорындарына сол кезеңде 17 мың тонна 4 сыныпты бидай және 24 мың тонна арпа сатылады.