Ауыл шаруашылығы министрлігі картограмма туралы норманы екі жылға шегерді

Тыңайтқыштарға субсидия алу кезінде агрохимиялық картограммаларды тіркеуге қою керек деген талапты 2023 жылға ауыстыру туралы шешім қабылданды. Ауыл шаруашылығы министрлігі тиісті бұйрықты бекітті және ол жақын арада күшіне енеді. Бұл туралы ElDala.kz порталына ведомствоның баспасөз қызметінен хабарлады.

Ауыл шаруашылығы министрлігі агрохимиялық картограмманы кейінге қалдыру туралы бұйрықтың Әділет министрлігінде 26 сәуірде тіркелгенін түсіндірді. Бес күн ішінде аталған құжат ресми түрде жарияланады, содан кейін ол күшіне енеді.

Агрохимиялық картограммаларды тіркеу туралы талап ағымдағы жылдың 1 қаңтарынан бастап күшіне енді, бірақ фермерлердің өтініші бойынша Ауыл шаруашылығы министрлігі оның жұмыс барысында талап етілуін кейінге қалдыру туралы шешім қабылдады. Сонымен бірге, Ауыл шаруашылығы министрлігі аталған норманы кейінге қалдыру туралы шешім қабылданғанға дейін заңды күшінде болатынын бұрын атап өткен.

Тақырыпқа байланысты оқуӘлемдегі тыңайтқыш бағаларының қымбаттауы Қазақстанға қалай әсер етеді

Еске салып айтар болсақ, ауыл шаруашылығы дақылдарының өнімділігі мен сапасын арттыруды субсидиялау ережесінің 65-тармағының 7) тармақшасы бойынша, егер фермер ауылшаруашылық дақылдарының аймағына электрондық агрохимиялық картограмма тіркеген жағдайда, тыңайтқыштарға субсидия төленетін болады. Картограмма кем дегенде алты агрохимиялық көрсеткіш бойынша жасалуы керек: гумус, судың рН мәні (рН) немесе тұз сығындысы, азот (нитрат немесе жеңіл гидролизденетін немесе сілтілі гидролизденетін, фосфор, калий және күкірттің айнымалы мәні.

Бұған дейін ElDala.kz-ке берген сұхбатында «Қазфосфат» ЖШС-ның бас директоры Мұқаш Искандиров елімізде топыраққа талдау жасауға арналған зертханалар жетіспейтіндігін айтқан болатын.

«Түркістандағыдай бізде Жамбыл облысында да зертханалар жоқ. Ауылшаруашылық министрлігі кәсіпорындардың базасында немесе бизнестің қатысуымен де әрбір ауылдық аймақта жабдықтауларына болар еді. Мұның бәрін жасау мүмкін, бірақ, өкінішке орай, бұл іс жасалмады. Ал биыл топырақ картограммасын талап етуге әлі ерте. Мұны бәрі түсінеді. Сондықтан картограммалардың болуы туралы талапты кейінге қалдыру керек», - деді Мұқаш Искандиров.

Сонымен бірге топырақты агрохимиялық талдау мемлекет үшін де, фермерлер үшін де маңызды, өйткені жерді дұрыс пайдаланбау оның деградациясына және құнарлылықтың төмендеуіне әкеледі.

Узнавайте первыми самые свежие новости агробизнеса Казахстана на нашей странице в Facebook, канале в Telegram, подписывайтесь на нас в Instagram или на нашу рассылку.